| e-texts navigator |
| བོད་ཡིག |
48b1 ba'am/ smod pa de dge slong ma'i drung du nye bar 'ongs nas 'di skad ces/ 'phags ma dag tshangs par spyod pa spyad dka'o// rab tu dben pa bya dka'o// bdag nyid gcig pa la mngon par dga' ba dka'o// gnas mal dgon pa dang / nags 'dab dang /
48b2 bas mtha' dag tu gnas pa khong du chud par dka'o// bdag ji srid 'tsho'i bar du mi rnams kyis dga' ba dang / rtsed mo rnams dang bral bar byas par 'gyur ro// bdag ji srid 'tsho'i bar du rtswa dang / lo ma dang / shing lo bting ba'i mal byed par 'gyur ro//
48b3 bdag ji srid 'tsho'i bar du gzhan gyi khyim du gzhan gyi ngor blta dgos par 'gyur ro// bdag ji srid 'tsho'i bar du 'di ltar gzhan las chos gos dang / bsod snyoms dang / mal stan dang / nad gsos kyi sman dang / yo byad dag tshol khro bya dgos so// ma
48b4 dran no/ / pha dang / ming po dang / phu nu mo dran no// bdag khyim bzang po dag tu gtad par mdzod cig ces zer zhing 'di skad ces/ chos dang ldan ma dag dgongs su gsol/ bdag ming 'di zhes bgyi ba 'di ltar bslab pa 'bul lo// sangs rgyas dang / chos
48b5 dang / dge 'dun dang / mkhan po dang / slob dpon gtong ngo zhes smra ba dang / tha na 'di skad ces bdag dge sbyong mar gzung du gsol/ bdag khyim pa mor gzung du gsol/ bdag za ma dang / ma ning dang / dge slong sun phyung bar gzung du gsol/ ma bsad
48b6 pa dang / pha bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / rkun thabs su gnas pa dang / tha dad par gnas pa dang / gnas par bya ba ma yin pa dang / mu stegs can dang / mu stegs can
48b7 zhugs pa yin no zhes zer ba'am/ 'di skad ces bdag khyed lta bu chos dang mthun pa tshangs pa mtshungs par spyod pa dag gis chog go zhes zer zhing / 'di ltar rnam par 'khyam 'dod pa'i ngag dang zhes bya ba mu dang po ji lta ba bzhin du rgya cher brjod par bya'o// de ltar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa