| e-texts navigator |
| བོད་ཡིག |
46b1 na/ gang gi zag pa kun nas nyon mongs par byed pa yang srid pa byed pa/ rims nad dang bcas pa/ rnam par smin pa sdug bsngal ba phyi ma la skye ba dang / rga ba dang 'chi bar 'gyur ba gang dag yin pa de dag yin pa de dag spangs pa dang / yongs su
46b2 shes pa dang / rtsa ba nas bcad pa dang shing ta la'i mgo bzhin du gzhi mi snang ba dang / phyi ma la mi skye ba'i chos can du gyur pa de ni nyon mongs pa bcom pa'i phyir dge slong ma zhes bya'o// don 'dir ni gsol ba dang bzhi'i las mi g.yo ba bzhag par mi
46b3 'os pas bsnyen par rdzogs pa gang yin pa de dge slong mar dgongs te/ des na yang dge slong ma zhes gsungs so// dge slong ma rnams dang lhan cig ces bya ba ni de las gzhan pa chos mthun pa tshangs pa mtshungs par spyod pa rnams dang ngo // bslab pa mtshungs
46b4 pa zhes bya ba ni bslab pa gang la bsnyen par rdzogs nas lo brgya lon pa'i dge slong mas bslab par bya ba de la deng bsnyen par rdzogs pas dang / deng bsnyen par rdzogs pa'i gang yin pa de la bsnyen par rdzogs nas lo brgya lon pas kyang ngo zhes 'di la tshul khrims nyid kyis
46b5 mnyam pa dang / bslab pa nyid kyis mnyam pa dang / so so thar pa'i mdo 'don pa nyid kyis mnyam pa gang yin pa de ni bslab pa mtshungs pa zhes bya ste/ des na bslab pa mtshungs pa zhes gsungs so// gyur pas zhes bya ba ni song bas so// bslab
46b6 pa ma phul zhes bya ba la ji tsam gyis na bslab pa ma phul ba yin zhe na/ 'di lta ste/ dge slong ma khros shing khro ba'i zil gyis non pas bslab pa 'bul na bslab pa ma phul bar brjod par bya'o// smyos pa dang / sems 'khrugs pa dang / tshor ba dag gis
46b7 nyen pas bslab pa 'bul na bslab pa ma phul bar brjod par bya'o/ / khros pa'am/ khros pa'i zil gyis non pa'i drung du bslab pa 'bul na bslab pa ma phul bar brjod par bya'o// dge slong ma glen ma'i drung du bslab pa 'bul na bslab pa ma phul bar brjod
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa