| e-texts navigator |
| བོད་ཡིག |
46a1 par spyod pa rjes su gzung bar bya ba'i phyir dang / tshangs par spyod pa yongs su rdzogs par bya ba'i phyir dang / bstan pa mthun par bya ba'i phyir dang / nga'i bstan pa yangs par gyur pa skye bo mang po la phan pa lha dang mi'i bar dag la
46a2 yang dag par rab tu bstan pa yun ring du gnas par 'gyur ba la gzigs nas 'dul ba la nyan thos ma rnams kyi bslab pa'i gzhi bca' bar bya'o/ / nga'i nyan thos ma rnams kyis 'dul ba la bslab pa'i gzhi 'di ltar gdon par bya ste/ yang dge slong ma
46a3 gang dge slong ma rnams dang lhan cig bslab pa mtshungs par gyur pas bslab pa ma phul zhing bslab pa nyams par ma byas par mi tshangs par spyod pa 'khrig pa'i chos bsten na tha na dud 'gro'i skye gnas su skyes pa dang lhan cig kyang rung ste/ dge slong ma de phas pham par
46a4 gyur pa yin pas gnas par mi bya'o/ / yang dge slong ma gang zhes bya ba ni dge slong ma rnam pa bzhi po ming gi dge slong ma dang / khas 'che ba'i dge slong ma dang / slong ba'i phyir dge slong ma dang / nyon mongs pa bcom pa'i phyir dge slong ma'o// de la ming
46a5 gi dge slong ma gang zhe na gang gi ming dang / ming du brjod pa dang / tshig gnyis pa dang / tshig dang / 'du shes dang / bod pa dang / gdags pa dang / tha snyad kyis dge slong ma zhe'am/ dge slong ma'i rigs she'am/ dge slong ma
46a6 dang 'dra bar gyur pa zhes bya ba de ni ming gi dge slong ma zhes bya'o/ / khas 'che ba'i dge slong ma gang zhe na/ gang dge slong ma ma yin bzhin du bdag nyid dge slong ma'o// zhes khas 'che bar byed pa dang rku thabs su gnas shing / yang dge slong ma yin no zhes
46a7 bdag nyid dge slong mar khas 'ches pa'i dge slong ma zhes bya'o/ / slong ba'i phyir dge slong ma gang zhe na/ gang chos dang ldan pas slong mo spyod pas 'tsho bar byed pa de ni slong ba'i phyir dge slong ma zhes bya'o// nyon mongs pa bcom pa'i phyir dge slong ma gang zhe
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa