| e-texts navigator |
| བོད་ཡིག |
45b1 mdzad de/ sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed kyi mi mkhyen par ma yin/ dus su yin gyi dus ma yin par ma yin/ don dang ldan pa yin gyi don dang mi ldan par ma yin te/ sangs
45b2 rgyas bcom ldan 'das rnams ni 'di lta ste/ don dang mi ldan par rmed pa chu lon gyis zlog par mdzad pa yin no// de la sangs rgyas bcom ldan 'das rnams ni 'di lta ste/ don dang ldan pa rmed pa la dus mkhyen pa yin pas sangs rgyas bcom
45b3 ldan 'das kyis ser skya'i bu mo bzang mo la rmas pa/ dge slong ma khyod kyis de ltar byas pa bden nam/ btsun pa mad do// dge slong ma khyod kyis bdag gir ma byas sam/ des 'di skad ces gsol to// btsun pa bdag ni rang bzhin gyis 'dod chags
45b4 dang bral ba lags na bdag gis ji srid du bdag gir bgyid/ sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad
45b5 pa mdzad do/ / de nas bcom ldan 'das kyis rnam grangs du mas rnam par smad nas gnyi ga'i dge 'dun la bka' stsal pa/ dge slong dang / dge slong ma dag de lta bas na phan yon bcu po 'di lta ste/ dge 'dun bsdu bar bya ba'i phyir dang / dge
45b6 'dun legs par bya ba'i phyir dang / dge 'dun mthun par bya ba'i phyir dang / dge 'dun bde bar gnas par bya ba'i phyir dang / gnod mi bkur ba'i gang zag rnams tshar gcad par bya ba'i phyir dang / ngo tsha shes pa rnams bde bar gnas par
45b7 bya ba'i phyir dang / ma dad pa rnams dad par bya ba'i phyir dang / dad pa rnams phyir zhing 'phel la rgyas par bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i zag pa rnams bzlog par bya ba'i phyir dang / tshangs
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa