| e-texts navigator |
| བོད་ཡིག |
45a1 mos gos dang rgyan rnams rgyal po la byin no/ / rgyal pos kyang gos ngur smrig dag ser skya'i bu mo bzang mo la byin nas rkang pa gnyis la phyag 'tshal te 'di skad ces kyang smras so// 'phags ma khyod la ji srid 'tsho'i bar du chos gos dang / bsod
45a2 snyoms dang / mal stan dang / nad kyi gsos sman dang / yo byad rnams kyis bstabs par bgyi'o// de nas ser skya'i bu mo bzang mos rgyal po ma skyes dgra la 'di skad ces smras so// lha phal cher bdag gi las kyi nyes pa lags kyi/ khyod kyi nyes pa ni
45a3 ma yin no/ / ci'i slad du zhe na/ lha bcom ldan 'das kyis/ gang du gnas na las kyis mi tshugs pa'i// sa phyogs de ni yod pa ma yin te// bar snang la med rgya mtsho'i nang na med// ri rnams kyi ni gseb tu zhugs na'ang med ces gsungs so// lha gzhan
45a4 yang / ji ltar grib ma mi yi rjes 'brang ba// 'dug na 'dug la 'gro na 'gul ba ltar// de bzhin dge dang mi dge grib ma ltar// sangs rgyas smra ba'i bla na med pa gsung // de nas ser skya'i bu mo bzang mos rgyal po ma skyes dgra la tshig snying sdud par
45a5 byed pa de lta bu'i chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar byas nas steng gi nam mkha' la mngon du 'phags te slar yang dge slong ma'i dbyar khang du song
45a6 ngo / / yang bcu gnyis sde rnams kyis 'di skad ces bdag cag ni dge slong ma nyams pa dang lhan cig gso sbyong mi bya'o zhes smras pa'i skabs de dge slong ma rnams kyis dge slong rnams la smras so// dge slong rnams kyis kyang bcom ldan 'das la gsol to// de nas
45a7 bcom ldan 'das kyis nga'i gnyi ga'i dge 'dun gyis don shes pa dang / ngas bslab pa'i gzhi yang legs par bcas par 'gyur ro snyam du dgongs nas byung ba 'di dang / gleng gzhi 'di dang / dngos po 'di dang / skabs 'di la gnyi ga'i dge 'dun bsdu ba
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa