| e-texts navigator |
| བོད་ཡིག |
44b1 mo'am/ gnod sbyin mo'am/ srin mo yin snyam du sems te/ tshigs su bcad pa yang smras pa/ khyod ci lha mo 'am klu mo 'am// gnod sbyin srin mo dri za mo// bud med 'dre mo'am ci yin pa// dris pa de ni bdag la gsungs// de skad
44b2 ces smras pa dang / ser skya'i bu mo bzang mos rgyal po ma skyes dgra la 'di skad ces smras so// bdag ni lha mo klu mo min// dri za gnod sbyin srin mo min// mi dbang bdag ni bde gshegs kyi// bya ba byas pa'i nyan thos ma'o// de nas rgyal po ma skyes
44b3 dgras tshig de thos nas dang 'dra bar zug rngu gnyis pas gnad du bsnun nas kyi hud kye ma a la la sdig pa chen po byas so snyam nas tshigs su bcad pa yang smras pa/ bdag ni rgya mtsho'i pha mtha' 'dra ba yi// sdug bsngal gcig mthar re zhig mi phyin na//
44b4 da ni gnyis pa nye bar gnas gyur te// glags yod pas na bdag la gnod mang 'byung // de de ltar sems pa las brgyal nas sa'i steng du 'gyel ba las re zhig na chus gtor nas bslang ngo // de nas rgyal po ma skyes dgras rang gi sems rnyed nas ser
44b5 skya'i bu mo bzang mo la 'di skad ces smras so/ / kye ma a la la bdag ni smas shing snad pas 'khor bar 'khor ba na shin tu smas par gyur na mi rung bas 'phags ma mar gshegs mar gshegs/ nyes par spyod pa'i 'dam gyi chu bor bying ba bdag gi sug pa
44b6 nas drang du gsol/ de nas ser skya'i bu mo bzang mos de rjes su gzung ba'i phyir babs so// babs nas stan bshams pa la 'dug go// de nas rgyal po ma skyes dgras ljon shing rtsa ba nas bcad pa bzhin du ser skya'i bu mo bzang mo'i rkang pa gnyis la
44b7 gtugs nas ser skya'i bu mo bzang mo la 'di skad ces smras so/ / 'phags ma gdul dka' ba rnams la bzod pa mdzad du gsol/ ser skya'i bu mo bzang mos 'di skad ces smras so// rgyal po chen po bdag bzod do// re zhig na ser skya'i bu mo bzang
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa