| e-texts navigator |
| བོད་ཡིག |
44a1 dus nas goms pa khams gsum pa'i nyon mongs pa rnams dral/ spangs/ bsal/ yongs su btang na ci'i phyir khyod kyis rdzu 'phrul ro dang 'dra ba mu stegs pa thams cad dang thun mong pa 'di mngon du ma byas/ de skad ces smras pa dang /
44a2 ser skya'i bu mo bzang mos ut+pa la'i mdog la 'di skad ces smras so// phu nu mo rdzu 'phrul gyi lam mi shes so// de nas ut+pa la'i mdog gis ser skya'i bu mo bzang mo la rdzu 'phrul gyi lam bstan to// de nas ser skya'i bu mo bzang mos 'jig rten pa'i lam gyis
44a3 bsam gtan bzhi la brten te rdzu 'phrul mngon par bsgrubs so/ / de nas ser skya'i bu mo bzang mo rgyan thams cad kyis brgyan pa dge slong ma'i dbyar khang ga la ba der song ngo // dge slong ma bcu gnyis sdes ser skya'i bu mo bzang mo rgyan thams cad kyis brgyan pa
44a4 mthong ngo / / mthong nas kyang skye dgu'i bdag mo chen mo gau ta mI la 'di skad ces smras so// bdag cag ni rgyal po'i chung ma dang lhan cig gso sbyong nyams su myong bar mi bgyid do// de nas skye dgu'i bdag mo chen mo gau ta mIs ser skya'i bu mo bzang mo la 'di skad
44a5 ces smras so/ / phu nu mo khyod song la rgyal po'i gan du song ste gos dang rgyan slar byin la rgyal pos gnang bar gyis gos ngur smrig gyon la slar bdag cag gi drung du shog shig/ de nas ser skya'i bu mo bzang mos skye dgu'i bdag mo chen mo gau ta mI'i tshig mnyan nas rgyal po
44a6 ma skyes dgra'i khyim ga la ba der song ngo / / de'i tshe rgyal po ma skyes dgra sad nas ser skya'i bu mo bzang mo mthong ste 'khyud par brtsams so// de nas ser skya'i bu mo bzang mo steng gi nam mkha' la mngon par 'phags so// de nas rgyal po ma skyes dgras ser skya'i
44a7 bu mo bzang mo ngang pa'i rgyal po 'dab ma brkyang ba ltar steng gi nam mkha' la mngon par 'phags par mthong ngo / / mthong nas 'jigs shing skrag la yid byung ste skyi bung zhes byed nas bsams pa/ ci re zhig lha mo yin nam/ 'on te klu mo'am/ dri za
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa