| e-texts navigator |
| བོད་ཡིག |
43b1 te spyod lam kun nas mdzes pas rgyal po'i khab tu bsod snyoms la zhugs so/ / blon po ngan sems can zhig gis ser skya'i bu mo bzang mo gzugs bzang ba/ blta na sdug pa/ mdzes pa/ lus gser gyi kha dog pas kyang lhag par mthong ngo // mthong nas kyang
43b2 de 'di snyam du sems te/ 'dis rgyal po'i mya ngan sel bar byed do snyam du bsams nas blon po des ser skya'i bu mo bzang mo bzung ste rgyal po la 'os pa'i khrus rnams kyis khrus byas nas rgyal po la 'os pa'i spos dang / me tog phreng ba dang / gos dang / rgyan
43b3 gyi khyad par rnams kyis brgyan nas rgyal po ma skyes dgra la phul lo/ / de nas ser skya'i bu mo bzang mos sngon las rnams byas shing bsags pa gdon mi za bar 'byung ba myong bar 'gyur bar nges pa 'od pa bzhin du rnam par gnas te/ dper na ri dag gam/ ri'i rtse mo
43b4 dag gi grib mas la babs shing mngon par babs pa de bzhin du ser skya'i bu mo bzang mo la yang sngon las rnams byas shing bsags pa gdon mi za bar 'byung ba/ myong bar 'gyur bar nges pa/ 'od pa bzhin du rnam par gnas pa yin pas re zhig na rgyal po ma skyes
43b5 dgras ser skya'i bu mo mthong ma thag tu chags nas de dang lhan cig dga' ba nyams su myong bar brtsams so/ / de nas gso sbyong lnga pa de nyid la dris na ser skya'i bu mo bzang mo tshogs kyi nang na mi snang ngo // de nas skye dgu'i bdag mo chen mos bsams na re zhig na ser
43b6 skya'i bu mo skobs su chung / nyam nga bar gyur par mthong ngo // skobs su chung ba dang / nyam nga ba dang / mi bde bar gyur par rig nas skye dgu'i bdag mo chen mo gau ta mIs ut+pa la'i mdog la smras pa/ phu nu mo ser skya'i bu mo bzang mo la soms shig/
43b7 de nas ut+pa la'i mdog gso sbyong lnga pa de nyid la rdzu 'phrul gyis ma skyes dgra'i khyim ga la ba der song ngo // de nas ut+pa la'i mdog skar khung gi bu gnas zhugs nas ser skya'i bu mo bzang mo la 'di skad ces smras so// phu nu mo khyod kyis thog ma med pa'i
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa