| e-texts navigator |
| བོད་ཡིག |
43a1 sems kyang ma bskyed do zhes thos na da ltar ni de la bsod snyoms phyed sbyin par byed do zhes 'phya bar gyur to/ / de nas tshe dang ldan pa 'od srung chen pos ser skya'i bu mo bzang mo la yid la bya ba bsgo ba dang / des brtson pa dang 'bad pa dang / brtsal ba
43a2 byas pas nyon mongs pa thams cad spangs te dgra bcom pa nyid mngon sum du byas so/ / re zhig na tshe dang ldan pa 'od srung chen pos dge slong dag 'phya bar thos so// thos nas ser skya'i bu mo bzang mo la 'di skad ces smras so// sring mo dge ba'i bshes gnyen gyis bya ba
43a3 gang yin pa de ngas byas zin la kyis mi gsos kyis/ da ni rang gi spyod yul sangs rgyas kyis gnang ba pha'i yul du sbyangs pa'i yon tan bsod snyoms rjes su spel cig ces de skad rjes su bstan nas tshe dang ldan pa 'od srung chen pos btang snyoms sgom par byed do//
43a4 de'i tshe ma skyes dgras mi dge ba'i grogs po lhas byin la brten nas pha chos dang ldan pa chos kyi rgyal po srog dang phral te pha'i rgyal srid kyi dbang phyug la dbang bya ba'i phyir 'dug go// 'dug ma thag tu yid la gcags par gyur nas de yang mya ngan gyi khang par zhugs so// de'i
43a5 mya ngan thabs du mas kyang bsang bar ma nus nas blon po rnams kyis bsams pa/ grong khyer chen po drug po dag na gar mkhan dang / zlos gar mkhan dang / bzhad gad mkhan dang / shing 'dzegs mkhan dang / rol mo mkhan gyi bye brag ji snyed yod pa
43a6 thams cad bsdu bar bya'o snyam nas de rnams kyis de bzhin byas so/ / de nas rgyal po ma skyes dgra'i mdun du rol mo mkhan gyi khyad par du mas pi wang dang / gling bu dang / rdza rnga dang / khar rnga dang / lcags kyi sil khrol dang / sgra snyan la sogs pa rol mo'i sgra
43a7 dag byed/ glu dag len/ gar dag byed/ rgyug par byed/ mchong bar byed do// de ltar byas kyang rgyal po ma skyes dgra'i mya ngan bsang bar ma nus so// de nas dus gzhan zhig na ser skya'i bu mo bzang mo snga dro sham thabs bgos chos gos dang lhung bzed thogs
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa