| e-texts navigator |
| བོད་ཡིག |
42b1 byung ba de lta bu rig nas ser skya'i bu mo bzang mo la 'di skad ces smras so/ / sring mo ma 'jigs shig/ bcom ldan 'das kyi bstan pa ni dri nga ba med pa dang / sdig pa med pa yin no// de'i nyan thos rnams ni lha'i 'dod pa rnams kyang don du mi gnyer na mi
42b2 rnams kyi lta smos kyang ci dgos pa yin no/ / des de skye dgu'i bdag mo chen mo la yongs su gtad nas des de rab tu phyung bsnyen par rdzogs par byas so// de bsod snyoms kyi phyir zhugs pa na/ g.yon can dang / 'phyon ma dang / zol pa dag
42b3 gzugs 'di lta bur sdug pa 'di yongs su longs spyod pa med par dga' bar byed do zhes kha zer ro/ / de nas dus gzhan zhig na tshe dang ldan pa 'od srung chen po snga dro sham thabs bgos chos gos dang / lhung bzed thogs te rgyal po'i khab tu bsod snyoms kyi phyir zhugs
42b4 so/ / ser skya'i bu mo bzang mo yang snga dro sham thabs bgos chos gos dang lhung bzed thogs te rgyal po'i khab tu bsod snyoms kyi phyir zhugs pa dang / tshe dang ldan pa 'od srung chen pos ser skya'i bu mo bzang mo mthong ngo // mthong nas kyang 'di skad ces smras so// sring
42b5 mo ci khyod bcom ldan 'das kyi bstan pa la mngon par dga' 'am/ des smras pa/ bdag bcom ldan 'das kyi bstan pa la mngon par dga' ste mngon par mi dga' ba ma mchis so// 'on kyang bdag ni lug tshon po dang 'dra bar gzugs 'dis gnod par
42b6 byung ste/ gang dang gang du mchi ba de dang de nas skye bo dag bdag la g.yar mchi'o// tshe dang ldan pa 'od srung chen pos smras pa/ bsod snyoms kyi phyir nyon mongs par ma byed cig/ ngas khyod la nyi ma re re zhing rang gi bsod snyoms las phyed phyed sbyin no// de
42b7 bsod snyoms la brgyus te phyed ni bdag nyid kyis spyad/ phyed ni de la byin no// de de ltar zhugs pa na drug sde rnams 'od srung chen po 'di khyim par gyur pa na bzang mo 'di dang lhan cig khyim gcig na lo bcu gnyis 'dug kyang lan 'ga' yang kun du chags pa'i
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa