rKTs

e-texts navigator

Volume

Page

41a₁ chub kyi yan lag bdun bsgom par bya/ rnam par thar pa brgyad lus kyis mngon sum du byas te rdzogs par byas nas gnas par bya'o// bdag gi ston pa dang tshangs pa mtshungs par spyod pa mkhas pa rnams la ngo tsha shes pa dang / khrel yod
41a₂ pa shas cher nye bar gnas par 'gyur ba dang / rtag tu bdag gi lus la dran pa dang ldan zhing mi gtong ba dang / bral bar ma gyur par lus la gnas par 'gyur ba de ltar 'od srung khyod kyis bslab par bya'o// de nas bcom ldan 'das kyis 'od srung la yang dag
41a₃ par bstan/ yang dag par len du bcug/ yang dag par gzengs bstod/ yang dag par rab tu mgu bar mdzad nas gdan las bzhengs te gshegs so// de nas tshe dang ldan pa 'od srung bcom ldan 'das kyi zhabs 'bring du 'brang zhing bcom ldan 'das gnas
41a₄ gang du bzhugs pa der bdag gis ras yug chen gyi snam sbyar stong phrag brgya ri ba blta ba ste/ gdan du gding bar bya'o snyam du sems so// de nas bcom ldan 'das kyis dge slong 'od srung gi sems kyi kun du rtog pa thugs kyis mkhyen nas lam bor te phyogs gcig
41a₅ tu bzhugs so/ / de nas tshe dang ldan pa 'od srung gis myur ba myur ba kho nar ras yug chen gyi snam sbyar stong phrag brgya ri ba blta ba ste/ bcom ldan 'das kyi ched du gdan bshams so// 'di skad ces kyang gsol to// bcom ldan 'das thugs brtse ba'i
41a₆ slad du gdan bshams pa la bzhugs su gsol/ bde bar gshegs pa gdan bshams pa la bzhugs su gsol/ de nas bdag la yun ring po'i don dang / phan pa dang / bde bar 'gyur lags so// bcom ldan 'das gdan bshams pa la
41a₇ bzhugs te/ bzhugs nas tshe dang ldan pa 'od srung la bka' stsal pa/ 'od srung khyod kyi ras yug chen gyi snam sbyar yang ngo // 'od srung khyod kyi ras yug chen gyi snam sbyar 'jam mo// de skad ces bka' stsal pa dang / bcom ldan 'das la tshe dang ldan pa 'od

_{iiif viewer powered by OpenSeadragon}

40b - 41b

Texts on this page