rKTs

e-texts navigator

Volume

Page

40b₁ bzhin du bdag ni kun mthong ba yin no zhes smra/ de bzhin gshegs pa ma yin bzhin du bdag ni de bzhin gshegs pa yin no zhes smra/ dgra bcom pa ma yin bzhin du bdag ni dgra bcom pa yin no zhes smra zhing / yang dag par rdzogs pa'i sangs rgyas ma yin
40b₂ bzhin du bdag ni yang dag par rdzogs pa'i sangs rgyas yin no zhes khas 'che bar byed na 'od srung ston pa de'i mgo bo tshal pa bdun du 'gas par 'gyur ro/ / 'od srung nga ni shes pa yin pas nga ni kun du shes pa yin no zhes smra'o// mthong ba yin pas nga ni kun du mthong
40b₃ ba yin no zhes smra'o/ / de bzhin gshegs pa yin pas nga ni de bzhin gshegs pa yin no zhes smra zhing / yang dag par rdzogs pa'i sangs rgyas yin pas nga ni yang dag par rdzogs pa'i sangs rgyas yin no zhes zhal gyis 'che'o// nga ni nyan thos rnams la gleng gzhi
40b₄ dang bcas pa kho na'i chos ston gyi gleng gzhi med pa ni ma yin no/ / nges par 'byung ba dang bcas pa yin gyi nges par 'byung ba med pa ni ma yin no// rton pa dang bcas pa yin gyi rton pa med pa ni ma yin no// rtun pa dang bcas pa yin gyi rtun pa med pa ni ma yin no//
40b₅ cho 'phrul dang bcas pa yin gyi cho 'phrul med pa ni ma yin no// 'od srung de lta bas na khyod kyis 'di ltar bslab par bya ste/ chos dge ba'i chos dang ldan pa gang ci yang rung ba mnyan par bya'o// de thams cad bkur sti byas/ bla mar byas/ ched cher byas/ sems
40b₆ rtse gcig tu byas/ rna blags/ sems thams cad kyis bsams nas mnyan par bya'o// 'od srung de lta bas na 'di ltar bslab par bya ste/ nye bar len pa'i phung po lnga po rnams la skye ba dang 'jig par rjes su lta bas gnas par bya'o// skye mched drug po dag la
40b₇ kun du 'byung ba dang / nub par rjes su lta bas gnas par bya'o// dran pa nye bar gzhag pa bzhi dag la sems legs par nye bar gnas pas gnas par bya'o// dran pa nye bar gzhag pa bzhi dag la sems legs par nye bar gnas pas gnas pa na byang

_{iiif viewer powered by OpenSeadragon}

40a - 41a

Texts on this page