rKTs

e-texts navigator

Volume

Page

40a₁ ma'i ltang brang can du gshegs nas rgyal po gzugs can snying po sras dang 'khor du bcas pa dang / lha stong phrag brgyad bcu dang / yul ma ga d+hA'i bram ze dang / khyim bdag brgya stong phrag du ma btul te/ 'od ma'i tshal bzhes
40a₂ nas de'i tshe bcom ldan 'das rgyal po'i khab bu mchod rten na bzhugs so/ / 'od srung gis shing zhig gi drung na bcom ldan 'das mdzes pa/ dad par 'os pa/ dbang po zhi ba/ thugs zhi ba/ thugs dul ba dang nye bar zhi ba'i mchog dang
40a₃ ldan pa/ gser gyi mchod sdong ltar dpal 'bar brten cing bzhugs pa mthong ngo // mthong nas kyang de 'di snyam du kye ma ston pa mthong ngo // kye ma dgra bcom pa mthong ngo // kye ma bcom ldan 'das mthong ngo // kye ma bde bar gshegs pa mthong ngo // kye
40a₄ ma yang dag par rdzogs pa'i sangs rgyas mthong ngo / / snyam du sems shing des ched cher byas/ bla mar byas/ yid la byas/ sems thams cad kyis bsams nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos
40a₅ phyag 'tshal te/ bcom ldan 'das la 'di skad ces gsol to// btsun pa bcom ldan 'das ni bdag gi ston pa lags te/ bdag ni bcom ldan 'das kyi nyan thos lags so// btsun pa bcom ldan 'das ni bdag gi ston pa lags so// ston pa lags so//
40a₆ bdag ni bcom ldan 'das kyi nyan thos lags so// nyan thos lags so// de skad ces gsol pa dang / bcom ldan 'das kyis 'od srung la 'di skad ces bka' stsal to// 'od srung de de bzhin te/ de de bzhin no// 'od srung nga ni khyod kyi ston pa ste/ khyod ni nga'i
40a₇ nyan thos yin no/ / 'od srung nga ni khyod kyi ston pa yin no// ston pa yin no// khyod ni nga'i nyan thos yin no// nyan thos yin no// 'od srung gang la la 'di ltar sems thams cad kyis bsams te mi shes bzhin du bdag ni kun shes pa yin no zhes smra/ mi mthong

_{iiif viewer powered by OpenSeadragon}

39b - 40b

Texts on this page