| e-texts navigator |
| བོད་ཡིག |
3a1 nyung ba yin pas dge 'dun thog mar bya ba ci yod/ 'phags ma dag ma lhags pa rnams la 'dun pa dang yongs su dag pa dris shig/ dris nas kyang brjod par bya'o// shAkya seng ge de la ni// sor mo bcu yis thal sbyar nas// so sor thar pa gdon
3a2 par bya/ / gdul ba'i don du nga las nyon// thos nas drang srong chen po yis// ji skad gsungs bzhin bsgrub bya zhing // kha na ma tho phra rnams la// brtun cing byed pa nyid du gyis// rtag tu 'bad pas 'da' ba yi// sems rta kha blan dka' ba la// mthun pa
3a3 gzer rnon brgya pa yi/ / srab 'di so sor thar 'di yin// che ba gang dag ngag tsam gyis// ldog cing mtshams las mi 'da' ba// de dag mi rta bzang po ste// nyon mongs g.yul las nges rgyal 'gyur// su la srab 'di med pa dang // nam du'ang 'dod par mi 'gyur
3a4 ba/ / de dag nyon mongs g.yul gyis dkrugs// 'jog bral rnam par 'khyam par 'gyur// dge 'dun 'phags ma rnams gsan du gsol/ deng dge 'dun gyi gso sbyong bcu bzhi pa'am lnga pa lags te/ gal te dge 'dun gyi dus la bab cing bzod na dge
3a5 'dun gyis gnang bar mdzod cig dang / deng dge 'dun gso sbyong mdzad de so sor thar pa'i mdo gdon pa gdon to// 'di ni gsol ba'o// 'phags ma dag bdag cag gso sbyong bya ste/ bdag gis so sor thar pa'i mdo gdon pa gdon gyis legs par nyon la rab
3a6 tu yid la gyis shig dang bdag gis khyed la bshad do/ / khyed cag su la ltung ba yod pa de mthol cig/ ltung ba med na cang ma smra shig/ cang mi smra na bdag gis 'phags ma dag yongs su dag par rig par bya'o// ji ltar so sor dris nas dge slong mas lan btab pa de
3a7 bzhin du dge slong ma'i 'khor 'di lta bur yang lan gsum gyi bar du bsgrags par bya ba yin no/ / yang dge slong ma gang dge slong ma'i 'khor 'di lta bur lan gsum gyi bar du bsgrags pa na ltung ba yod la dran bzhin du mi mthol na de shes bzhin du du smra ba yin no//
iiif viewer powered by OpenSeadragon
Texts on this page
D4 - dge slong ma'i so sor thar ba'i mdo