| e-texts navigator |
| བོད་ཡིག |
39b1 par gyis shig/ de'i tshe na bcom ldan 'das byang chub sems dpa' sku tshe lo nyi shu rtsa dgur 'dod pa rnams la rol nas rgan po dang / nad pa dang / shi ba gzigs pas thugs byung ste/ nam phyed kyi dus su rta rin po che bsngags ldan la bcibs nas nags
39b2 su gshegs te lo drug tu cir yang mi phan pa'i dka' ba spyad nas chu bo nai rany+dza nAr khrus mdzad de/ dga' mo dang / dga' stobs ma gnyis las lan bcu drug tu snying khur byas pa'i 'o ma'i thug pa ni gsol/ klu'i rgyal po dus can gyis tshigs su bcad pa
39b3 dag gis ni mngon par bstod cing / rtswa 'tshong bkra shis ldan las rtswa dag bzhes te byang chub kyi shing gi drung du bzhud nas nyid kyis ma 'khrugs pa dang / ma 'dzings par gding ba bshams te/ klu'i rgyal po gnyid log pa bskyil ba bzhin du skyil mo krung
39b4 khyil ler bcas nas/ zag pa zad pa ma thob kyi bar du skyil mo krung mi gzhig go zhes thugs kyang bskyed tshig tu yang gsung ngo // re zhig na bdud 'byung po'i rigs bye ba phrag sum bcu rtsa drug gi 'khor can btul nas bla na med pa yang dag par rdzogs pa'i byang
39b5 chub mngon par rdzogs par sangs rgyas so/ / tshangs pas bskul bas yul bA rA Na sIr gshegs te chos dang ldan pa'i chos kyi 'khor lo bskor nas kun shes kauN+Di n+ya dang / lha stong phrag brgyad bcu bden pa rnams la bkod do// lnga sde rnams kyang btul/ nye lnga'i sde rnams kyang btul/
39b6 grong gi khye'u gtso bo gtso bo lnga bcu yang btul to// shing bal can gyi nags khrod du gshegs nas bzang sde'i tshogs drug bcu btul to// dmag ldan gyi grong du gshegs nas grong gi bu mo dga' mo dang / dga' stobs ma gnyis bden pa rnams la bkod do// yul
39b7 lteng rgyas su gshegs nas lteng rgyas 'od srung rdzu 'phrul gyi cho 'phrul brgyad la sogs pa lnga brgyas btul to/ / yul ga yar gshegs nas chu klung 'od srung dang / ral pa can stong phrag de rnams la cho 'phrul gsum po dag gis gdams pa mdzad do// yul 'od
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa