| e-texts navigator |
| བོད་ཡིག |
38b1 zhig na de yang yid byung ste tshigs su bcad pa smras pa/ bre'u chung gang gis 'bras chan rung // mal gcig gis ni bde ba skyed// ras bcos zung gcig bcang bar bya// lhag ma gti mug yongs su 'dzin// dus de'i bar du yang sangs rgyas da dung du ma
38b2 byung bar gyur te/ de gzhan mu stegs can spyod pa pa dang / kun du rgyu dang / gcer bu pa dang / kun du 'tsho ba pa dang / thal ba can la sogs pa rnams dang / bkren pa dang / sdug phongs pa dang / slong mo pa rnams la sbyin pa btang ba byas nas
38b3 dbul po ni mi dbul bar byas/ bran dang / gla mi dang / mngag gzhug pa rnams ni mi bkol bar byas/ bshes gnyen dang / blon po dang / nye du dang / snag gi gnyen mtshams la ni rdzas kun bgos nas khyim gyi nang du zhugs te/ gos tha
38b4 chad 'ga' ci yod blang ngo snyam nas gos kyi rdzas kyi mdzod du bltas pa dang / des gos kyi phyi tshas ras yug chen tha chad stong phrag brgya ri ba zhig ni bdag gis khyer/ de 'dra ba gcig ni bzang mo la byin no// khyim ni nye du rnams la gtad do// de nas bram ze'i
38b5 khye'u n+ya gro d+ha skyes kyis ser skya'i bu mo bzang mo la 'di skad ces smras so/ / bzang mo gang du 'gro bar 'dod/ des smras pa/ khyod kho na dang lhan cig tu dka' thub kyi nags su mchi'o// des smras pa/ gang gi phyir bud med dang lhan cig dka' thub kyi nags su 'dug
38b6 par bya ba de ni cha ma yin no/ / bzang mos smras pa/ gal te de lta na bdag je sngar khyim nas thong shig/ ci'i phyir/ bzang mos 'di skad ces smras so// gang gi phyir khyod sngar je bzhud na bud med ni 'bras chan tshos pa dang 'dra bar skye bo mang pos don du gnyer
38b7 bar bgyi ba lags te/ khyod bzhud na bdag kha cig gis don du gnyer bar gyur na mi rung ba de srid do// de nas bram ze'i khye'u n+ya gro d+ha skyes kyis bsams pa/ bu mo 'di ni mkhas shing blo shin tu gtan la bab pa yin no snyam du bsams te/ ser skya'i bu mo
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa