| e-texts navigator |
| བོད་ཡིག |
36b1 shing sA la chen po lta bu n+ya gro d+ha chung ma dang lhan cig 'di skad ces smras so/ / bdag cag kho na'i nyes pa yin gyi/ de gnyis kyi ni ma yin te/ gang gi phyir bdag cag gis de gnyis kyi ched du mal gnyis bcas pas so snyam bsams nas mal dang khri'u gcig bzhag go//
36b2 de nas bram ze'i khye'u n+ya gro d+ha skyes 'di snyam du kye ma pha ma gnyis kyis bdag cag la dam pa ma yin pa'i chos kyi ched du brtsam pa chen po 'di blangs so snyam du sems so// ser skya'i bu mo bzang mos bram ze'i khye'u n+ya gro d+ha skyes kyi pha ma'i dgongs pa khong du chud nas bram ze'i khye'u
36b3 n+ya gro d+ha skyes la 'di skad ces smras so/ / rje'i sras khyod dang bdag gi ched du sbyor ba 'di sbyar to// 'on kyang sngon gyi dam bcas pa dgongs shig/ des smras pa/ snying las chung ngur gyis la bag ma tsha zhig/ de na nam gyi cha stod la ni ser skya'i bu mo bzang mo mal du nyal lo//
36b4 n+ya gro d+ha skyes ni khri'u la gnas shing 'dug/ nam gyi gung thun la ni n+ya gro d+ha skyes nyal lo// bzang mo ni gnas shing 'dug go// nam gyi cha smad la ni yang bzang mo nyal lo// n+ya gro d+ha skyes ni khri'u la 'dug cing mi nyal lo// de bzhin du khri'u'i bar yang phyung ba dang
36b5 yang ser skya'i bu mo bzang mos n+ya gro d+ha skyes la smras pa/ rje'i sras 'o skol gyi ched du sbyor ba 'di brtsams kyis sngon gyi dam bcas pa dgongs shig/ des smras pa/ rtog pa med pa dang / dogs pa med par gyis la khyod kyang sngon gyi dam bcas pa dran par gyis
36b6 shig/ de nas bzang mo ni nam gyi cha stod la nyal lo// n+ya gro d+ha skyes ni 'chag go// nam gyi gung thun la ni n+ya gro d+ha skyes nyal lo// ser skya'i bu mo bzang mo ni 'chag go// yang nam gyi cha smad la ni bzang mo nyal lo// n+ya gro d+ha skyes ni 'chag ste/ de dag tshul
36b7 'dis gnas gcig na mal gcig tu lo bcu gnyis thal thal du lan 'ga' yang de gnyis gcig la gcig 'dod chags kyi sems ma bskyed do/ / // dge slong ma'i 'dul ba rnam par 'byed pa/ bam po gnyis pa/ de nas lha'i dbang po brgya byin 'di snyam
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa