| e-texts navigator |
| བོད་ཡིག |
32b1 khyer ka pi la zhes bya ba der phyin no/ / de na yang bram ze ser skya zhes bya ba phyug pa/ nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa
32b2 las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do// dus gzhan zhig na de'i chung ma de la sems can zhig zhugs par gyur to// ji tsam na zla ba brgyad dam/ dgu 'das te btsas pa las/ bu mo gzugs
32b3 bzang ba/ blta na sdug pa/ mdzes pa zhig skyes nas de'i nye du rnams tshogs shing 'dus te nyi ma bdun gsum nyi shu rtsa gcig tu sbyin pa dag ni byin/ bsod nams dag ni byas nas ming 'dogs par byed do// yul dbus na yang lugs kyis gang gzugs bzang ba de la
32b4 bzang mo zhes zer bas 'di skad du bu mo 'di gzugs bzang ba/ blta na sdug pa/ mdzes pa yin la/ 'di'i pha yang ser skya zhes bya ba yin pas/ bu mo 'di yang ser skya'i bu mo bzang mo zhes bya bar gdags so zhes ming btags so// de nas ser skya'i
32b5 bu mo bzang mo ma ma brgyad la rjes su gtad de/ brgyad po gang zhe na/ pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'phyi ba'i ma ma gnyis dang / rtsen 'grogs kyi ma ma gnyis dang / lcags kyi mda' thogs shing rma
32b6 bya'i mdongs mang po'i bsrung khug bcangs nas/ 'o ma dang / zho dang / mar dang zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed do// de yang rdzing na gnas pa'i pad ma bzhin du skye drag par
32b7 gyur te/ ji tsam na chen mor gyur te/ de rnams srang gi dbus su phyin nas gzugs brnyan bzhag ste/ spos dang me tog dang / bdug pa la sogs pa dang / rol mo'i sgra 'byin pas mchod pa dag byed cing / bu mo'i lha mo phyin pa 'di la bu mo dag bkur
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa