| e-texts navigator |
| བོད་ཡིག |
32a1 gzugs brnyan gzhan gsum byed du bcug go/ / bram ze'i khye'u de rnams kyis gzugs brnyan bzhi blangs te/ grong dang grong rdal dang / grong khyer dang / ljongs dag tu rgyu ba'i phyir rol mo'i sgra'i cha byad kyi bar dang chas nas phyogs phyogs su brgya brgya
32a2 chas par gyur pa dang / bram ze shing sA la chen po lta bu n+ya gro d+has de rnams la bsgo ba/ khyod kyis rigs sam/ rus mi dma' bar gzugs brnyan 'di 'dra ba'i gzugs 'ba' zhig sgrubs shig/ de rnams 'di snyam du bdag cag gis khyim nas khyim kun du rgyu bar ga
32a3 la nus kyis thabs shig bsam par bya'o snyam mo/ / de rnams kyis thabs 'phrigs nas de rnams kyis grong dang / grong khyer dang / grong rdal dang / ljongs gang du phyin par der zhugs nas dbus su gzugs brnyan bzhag ste spos dang / me tog dang / bdug pa
32a4 la sogs pa dang / rol mo'i sgra 'byin pas mchod pa dag byed cing bu mo'i lha mo phyin pa 'di la bu mo dag bkur sti byed na/ de la dam pa lnga po rigs mthon por skye ba dang / rigs mthon po'i bag mar len par 'gyur ba dang / khyim shin tu phun sum tshogs
32a5 par 'dug pa dang / khyim thab kyang de'i dbang du 'gyur ba dang / bu dang ldan par 'gyur ba sbyin par byed do zhes tshig dag kyang smra bar byed do// tshig de thos nas bu mo'i skye bo'i tshogs rgan mo dang / gzhon nur bcas pas mchod pa dang / bkur sti byed cing gsol ba
32a6 'debs par byed do/ / re zhig na shar dang / lho dang / byang gi phyogs rnams su dong ba de dag bsam pa ma grub par lhags so// de dag mthong nas bram ze shing sA la chen po n+ya gro d+ha ni sems khong du chud cing 'dug go// bram ze'i khye'u n+ya gro d+ha skyes ni mgu zhing dga' la yid
32a7 rab tu dga' ste/ 'di skad du gal te ma rnyed na legs so zhes smras so// bram ze'i khye'u gang dag bu mo'i lha mo thogs te nub phyogs su dong ba de rnams ni mthar gyis grong dang / grong rdal dang / yul 'khor dang / rgyal po'i pho brang du rgyu zhing ka pi la'i ljongs na grong
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa