| e-texts navigator |
| བོད་ཡིག |
326b1 so/ / phyi de nyin par kun dga' ra ba srung bas tshod sngon de mthong nas yid mi bde bar gyur pa dang / sbom dga' mos 'di skad ces smras so// kun dga' rab srung ba ji lta khyod kyi kun dga' ra ba dri zhim pa dang / tshod sngon mang ngam/ des 'di skad ces 'phags ma 'di ni khyod kyis byas mod
326b2 ces smras pa dang / des bgad nas 'di skad ces khyod de ltar bcos so zhes smras pa nas/ bcom ldan 'das kyis bka' stsal pa/ rtswa sngon po la bshang ba dang gci ba dor bar mi bya'o zhes bya ba nas/ nad pa yin na rjes su gnang ngo zhes bya ba'i bar ro// de bzhin du mchil ma 'dor bar
326b3 byed pa dang / dor bar mi bya'o zhes bya ba nas/ bcom ldan 'das kyis bka' stsal pa/ nad pa yin na rjes su gnang ngo zhes bya ba'i bar ro// de bzhin du snabs la yang brjod par bya'o// ji tsam na skyugs pa dang / rlugs pa dag 'dor bar byed pa nas/ bcom ldan 'das kyis bka'
326b4 stsal pa/ mi na bar 'greng ste bshang ba dang gci ba mi bya ba dang / mi na bar rtswa sngon po yod pa'i sa phyogs su bshang ba dang gci ba dang / mchil ma dang / snabs dang / skyugs pa dang / rlugs par mi dor bar bslab par bya'o zhes bya ba'i bar ro// de bzhin du gong du ser skya'i gzhir kun
326b5 dga' ra ba'i srung ma dang sbom dga' mo ji lta ba de bzhin du btso blag mkhan la yang brjod par bya ste/ ji tsam na bkru sman zos nas zhes bya ba nas/ mi gtsang bas bkang ba'i snod dang / brdab pa'i gzhi dang gos bshal ba'i chu snod ma rung bar byas so// de nas btso blag mkhan de gos 'khru ba
326b6 na gos de tshon khra bo sna tshogs kyi tshon gyis bkra ba dang / mnam pa mthong ngo zhes bya ba'i bar ro// de nas sbom dga' mo 'ongs nas 'di skad ces smras so// kye nang rje gos dag ci ste skya bor gyur des 'di skad ces 'phags ma khyod kyis ma byas grang zhes smras pa dang / sbom
326b7 dga' mos 'di skad ces khyod de ltar bcos so zhes smras pa na smod par byed pa nas/ bcom ldan 'das kyis bka' stsal pa/ chu'i nang du bshang gci dor bar mi bya'o zhes bya ba'i bar ro// na ba dag de nyid du 'dor bar byed pa nas/ bcom ldan 'das kyis bka' stsal pa/ rjes
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa