rKTs

e-texts navigator

Volume

Page

326a₁ bya ba'i bar ro/ / de bzhin du lag na khar ba thogs pa 'ongs nas/ bshad par mi bya'o zhes bya ba nas/ yang nad pa'am rgas pa khar ba med par 'tsho bar mi nus pa zhig yin na zhes bya ba nas/ bcom ldan 'das kyis bka' stsal pa/ de dag la chos bshad par bya'o zhes bya ba'i bar
326a₂ ro/ / de bzhin du lag na ral gri thogs pa 'ongs pa dang zhes bya ba nas/ bshad par mi bya'o zhes bya ba'i bar gong ma ji lta ba bzhin du'o// de bzhin du go cha sna lnga gyon pa dag 'ongs pa nas/ bcom ldan 'das kyis bka' stsal pa/ mi na bar lag na mtshon cha thogs pa la chos bshad
326a₃ par mi bya ste/ lag na gdugs thogs pa la ma yin pa dang / lag na khar ba thogs pa la ma yin pa dang / lag na ral gri thogs pa la ma yin pa dang / lag na dgra cha thogs pa la ma yin pa dang / go cha sna lnga gyon pa la chos mi bshad par bslab par bya'o zhes bya ba'i bar ro// de
326a₄ nas bcu gnyis sde dag 'greng ste bshang gci byed pa dang zhes bya ba nas mi bya'o zhes bya ba'i bar ro/ / nad par gyur te 'dug mi nus pa nas bcom ldan 'das kyis bka' stsal pa/ nad pa yin na rjes su gnang ngo // de nas sbom dga' mo ser skya'i gzhir 'ongs pa na rang gi kun dga' ra ba srung
326a₅ ba mthong nas/ des 'di skad ces smras so// gang gi tshe kho mo rab tu byung bar ma gyur na kho mo khyod kyi cir 'gyur/ des 'di skad ces smras so jo mor 'gyur ro// sbom dga' mos 'di skad ces smras so// da khyod ci'i phyir kho mo la tshod sngon dang me tog gi mkho bas mi stobs/ kun dga' ra ba srung bas
326a₆ kyang 'di skad ces smras so/ / de'i tshe khyod kyis bdag la zas dang gos kyi mkho ba sbyar ba na ni kho bos kyang khyod la bsnyen bkur byas so// da ni khyod rab tu byung la kho bo ni khyim pa yin na khyod la kho bos ji ltar bsnyen bkur bya/ de nas sbom dga' mos bkru sman zos nas/ des gyo mo zhig bzhag
326a₇ nas bshang ba dang gci ba phal mo che blugs nas/ ji tsam na ngan skyugs kyis bkang ba'i gyo mo dang phyags ma khyer te/ kun dga' ra bar song nas tshod sngon de thams cad dang / me tog gi shing rnams mi gtsang bas gtor to// mi gtsang ba'i dri des der wa dang khyi dag gis bcags

_{iiif viewer powered by OpenSeadragon}

325b - 326b

Texts on this page