| e-texts navigator |
| བོད་ཡིག |
325a1 mi na ba la chos bshad par mi bya'o zhes bya ba'i bar ro// rta gad byed byed pa'i bar dag la chos 'chad par byed pa nas/ bcom ldan 'das kyis bka' stsal pa/ mi na ba la chos bshad par mi bya'o zhes bya ba'i bar ro// gnya' gong du bsnol ba'i bar dag la
325a2 chos 'chad par byed pa nas/ bcom ldan 'das kyis bka' stsal pa/ bshad par mi bya'o// zhes bya ba'i bar ro// ji tsam na gnya' gong du bsnol ba'i bar dag 'ongs pa nas/ bcom ldan 'das kyis bka' stsal pa/ mi na bar mgo g.yogs pa la chos bshad par
325a3 mi bya ste/ brdzes pa la ma yin pa dang / gzar ba la ma yin pa dang / phrag pa gnyis ka la gzar ba la ma yin pa dang / mi na bar gnya' gong du bsnol ba la/ chos mi bshad par bslab par bya'o zhes bya ba'i bar ro// de nas bcu gnyis sde dag glang po che
325a4 zhon pa la chos 'chad par byed pa nas/ bcom ldan 'das kyis bka' stsal pa/ bshad par mi bya'o zhes bya ba'i bar ro// de nas glang po che zhon pa dag g.yul du chas nas de dag gis 'di skad ces smras so// 'phags ma chos bshad du gsol/ de dag gis
325a5 'di skad ces smras so/ / bobs shig dang chos bshad do// de dag gis 'di skad ces bdag cag 'gums par bgyid pa phas kyis rgol ba dag rting la thug lags so zhes smras pa nas/ bcom ldan 'das kyis bka' stsal pa/ nad pa yin no zhes bya ste bshad par
325a6 bya'o zhes bya ba'i bar ro/ / de bzhin du rta zhon pa dang shing rtar zhugs pa la yang brjod par bya'o// de nas mi'i phrag pa dang / mgo la zhon zhing 'gro ba nas chos bshad par mi bya'o zhes bya ba'i bar ro// ji tsam na nad par gyur pa nas bcom ldan 'das kyis bka' stsal pa/
325a7 bshad par bya'o zhes bya ba'i bar ro// lham mthon po gyon pa'i bar dag la chos 'chad par byed pa nas/ bcom ldan 'das kyis bka' stsal pa/ mi na bar glang po che zhon pa la chos bshad par mi bya ste/ rta zhon pa la ma yin pa dang / shing rtar zhugs pa la ma yin pa
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa