| e-texts navigator |
| བོད་ཡིག |
324a1 chu'i 'gram du gzhag par mi bya'o zhes bya ba'i bar ro/ / de dag lam kar 'jog par byed pa nas/ bcom ldan 'das kyis bka' stsal pa/ lam kar gzhag par mi bya'o zhes bya ba'i bar ro// de dag lhung bzed bye ma dang bcas pa'i lci bas rung bar byed pa
324a2 na de dag ring po ma lon par skya skya bor gyur pa nas/ bcom ldan 'das kyis bka' stsal pa/ 'og gzhi ma bting ba'i sa la lhung bzed gzhag par mi bya ba dang / g.yang sar mi gzhag pa dang / 'bab chu'i 'gram du mi gzhag pa dang / lam kar mi gzhag pa
324a3 dang / bye ma dang bcas pa'i lci bas lhung bzed mi phyi bar bslab par bya'o zhes bya ba'i bar ro// ji tsam na gzhon nu ma zhig 'greng ste lhung bzed 'khru ba dang / de la dge slong ma rnams kyis smras pa/ phu nu mo 'greng ste lhung bzed ma 'khru shig/ des 'di skad ces cir 'gyur zhes
324a4 smra ba na de'i lhung bzed de lag nas lhung nas chag pa dang / de la 'di skad ces 'dir 'gyur ro zhes smras pa nas/ bcom ldan 'das kyis bka' stsal pa/ 'greng ste lhung bzed bkru bar mi bya'o zhes bya ba'i bar ro// de bzhin du skoms par byed pa nas/ bcom
324a5 ldan 'das kyis bka' stsal pa/ 'greng ste bskams par mi bya'o zhes bya ba'i bar ro// de bzhin du 'phyi bar byed pa nas/ bcom ldan 'das kyis bka' stsal pa/ 'greng ste phyi bar mi bya'o zhes bya ba'i bar ro// de bzhin du lhung bzed kyi snod du 'jug par byed
324a6 pa nas/ bcom ldan 'das kyis bka' stsal pa/ 'greng ste lhung bzed kyi snod du gzhug par mi bya'o zhes bya ba'i bar ro// de bzhin du lhung bzed kyi snod nas 'byin par byed pa nas/ bcom ldan 'das kyis bka' stsal pa/ 'greng ste lhung bzed bkru ba dang / bskam
324a7 pa dang phyi ba dang / lhung bzed kyi snod du gzhug pa dang / dbyung ba mi bya bar bslab par bya'o zhes bya ba'i bar ro// // sdom la/ 'greng ste ma yin mgo g.yogs min// glang chen do ker lag na min// rtswa dang chu la bshang mi bya// shing la mi gang tsam ma yin//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa