| e-texts navigator |
| བོད་ཡིག |
323a1 gis phye rab tu mang du blangs so/ / khyim bdag des yang g.yos kyi rnam grangs nyi shu rtsa brgyad rgan pa'i mtha' nas brims pa dang / de nas rab tu byung ba rgan mo de rgan rims gang na ba de logs su lta bar byed pa na bcu gnyis sde de dag gis yang rgan mo rab tu byung
323a2 ba de'i mdun du kha zas kyi gong bu dag gtor nas 'di skad ces rgyal po nga las nu la rin po che'i char dag 'bab po zhes de skad grag na khyod kyang bsod nams dang ldan nas kha zas kyi char bab bo ces smras pa nas/ bcom ldan 'das kyis bka' stsal pa/ lag pa mi ldag pa dang /
323a3 lhung bzed mi byog pa dang / lag pa mi sprug pa dang lhung bzed mi bskyam pa dang / lhung bzed kyi 'du shes kyis zas bza' bar bslab par bya'o zhes bya ba'i bar ro// de nas bcu gnyis sde dag gral zla'i dge slong ma rnams kyi lhung bzed la bltas na 'dir ni mang du brims
323a4 la kho mo cag la nyung du brims so zhes kha zer bar byed pa nas/ bcom ldan 'das kyis bka' stsal pa/ kha zer bar 'dod pas dge slong ma gral zla rnams kyi lhung bzed blta bar mi bya'o// zhes bya ba'i bar ro// de nas bcu gnyis sde dag lag pa kha zas kyis
323a5 'bags pas bya ma bum len pa na de kha zas kyis 'bags pas sbrang bu dag gis zi zi ston pa dang / khyim bdag rnams kyis mthong nas smod par byed pa nas/ bcom ldan 'das kyis bka' stsal pa/ lag pa zas kyis 'bags pas chu snod la gzung bar mi bya'o
323a6 zhes bya ba'i bar ro/ / de nas yang khyim bdag cig gis dge slong ma'i dge 'dun mgron du bos pa dang / de nas 'dun ma dang / nye dga' mo'i bar na dge slong ma snam sbyar dmar ser gyon pa zhig 'dug pa dang / des de la lhung bzed bshal ba'i chus gtor nas de dag 'di skad
323a7 ces bkren ma ngan pa mo khyod 'ba' zhig la snam sbyar yod dam zhes kha zer bar byed pa nas/ bcom ldan 'das kyis bka' stsal pa/ zas kyis 'bags pa'i chus gtor bar mi bya'o zhes bya ba'i bar ro// gang gi tshe chu srin byis pa gsod kyi ri la khang pad ma dkar po
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa