| e-texts navigator |
| བོད་ཡིག |
31b1 ci yod snyam du de ltar bsams nas pha la smras pa/ yab bdag la 'dzam bu'i chu bo'i gser zhig 'tshal lo// des dkor ba'i mi bos nas 'di skad ces smras so// n+ya gro d+ha skyes 'di la 'dzam bu'i chu bo'i gser ji snyed dgos pa de snyed byin cig/ dkor
31b2 ba'i mis 'di skad ces smras so/ / de ltar bgyi'o// de nas bram ze'i khye'u n+ya gro d+ha skyes kyis pha las lkog tu mgar ba legs par bslabs pa bos nas 'dzam bu'i chu bo'i gser gyi bud med kyi gzugs brnyan byed du bcug nas des de pha la phul te smras pa/ yab
31b3 'di lta bu'i gzugs dang 'dra ba'i bu mo zhig gal te rnyed na de bdag gi mchis brang lags kyi de las gzhan pa ni bdag gi mchis brang du dgos pa ma mchis so/ / de 'di snyam du sems te/ brtags na bu 'dis ni bdag cag la ma bsams pa lta ste/ gser tha mal
31b4 pa'i mdog can gyi bu mo yang ga la yod na/ 'dzam bu'i chu bo'i gser las byas pa lta bu lta smos kyang ci dgos snyam du de sems khong du chud cing 'dug pa dang / bram ze'i khye'u de rnams kyis mthong nas de rnams kyis de'i drung du dong ste dris pa/ mkhan po ci'i slad du thugs
31b5 khong du chud cing bzhugs/ des de rnams la bu de'i bag ma blang ba'i sbyor ba shin tu rgya cher smras nas brtags na bus ni bdag la ma bsams pa lta ste/ re zhig gser tha mal pa'i mdog can gyi bu mo yang rnyed par dka' ste ga la yod na gtso bo 'dzam bu'i chu bo'i gser las
31b6 byas pa'i gzugs 'di lta bu lta smos kyang ci dgos te/ ga las 'byung bar 'gyur/ de rnams kyis de la smras pa/ mkhan po mi dgyes par ma mdzad cig/ ji lta bu'i skyes bu 'byung ba de la ni de 'dra ba kho na'i yo byad phun sum tshogs pa 'byung bas re zhig
31b7 gcig ni 'dis bgyi/ gzugs brnyan 'di lta bu gzhan gsum zhig bgyid du stsol cig dang / bdag cag gis gang gis na gdon mi 'tshal bar bu mo rnyed par 'gyur ba de ltar phyogs bzhi dag tu yongs su btsal bar bgyi'o// des slob ma rnams kyi tshig mnyan nas
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa