rKTs

e-texts navigator

Volume

Page

31a₁ gyur to/ / rig pa'i gnas bco brgyad dag la mkhas par gyur te/ 'di lta ste/ gsang sngags dang / rgyud dang / cho ga zhib mo dang / gtan tshigs kyi rig pa dang / rig byed dang / brda sprod pa dang / sgra nges par sbyor ba dang / shes gsal dang /
31a₂ nges pa'i tshig dang / sdeb sbyor bsdus pa dang / skar ma'i rig pa dang / rtogs byed kyi rig pa dang / chur lhung gi rig pa dang / cher spyod kyi rig pa dang / 'jig rten rgyang 'phen pa'i rig pa dang / bye brag pa'i rig pa dang / rgyud drug bcu pa dang / khyur
31a₃ mid kyi rig pa dang / gnas 'dug gi rig pa dang / rig pa'i gnas bco brgyad po 'di dag thams cad la blo shin tu rno bar gyur to// re zhig na phas de la bram ze'i khye'u lnga brgya bram ze gtsang sbra can gyis ji snyed thos pa 'don pa byed du gtad pa dang / des de ltar bgyi'o
31a₄ zhes pha'i tshig mnyan nas de bzhin du byas so/ / de nas bram ze shing sA la chen po lta bu n+ya gro d+ha 'di snyam du bdag gi rigs rgyud ni che/ bdag nor rgya chen po dang ni ldan pa yin te/ khyim 'di lta bur rgyu med par bu dag nying mtshams sbyor ba mi len la/ bram ze
31a₅ rnams kyi lugs ni lo bzhi bcu rtsa brgyad du tshangs par spyod pa yongs su bsrung bar byas te/ rgas pa'i gnas skabs na chung ma dang lhan cig rtse bar byed/ dga' bar byed/ dga' mgur spyod par byed pa yin na/ bdag gis ni thog ma nyid nas bu la bag ma
31a₆ blang bar bya'o/ snyam du bsams nas/ des n+ya gro d+ha skyes de la smras pa/ bu 'jig rten na 'di ni chos nyid yin pas rigs rgyud kyi phyir bag ma blang bar bya'o// des smras pa/ yab bdag la mchis brang cir 'tshal te/ bdag ni dka' thub kyi nags su gnas
31a₇ par bgyi'o/ / pha des de la rigs rgyud gtan par bya mod ces yang nas yang du brtun pa dang / de 'di snyam du sems te/ 'o na gang gis na bdag gis yab yum gyi bka' yang ma bcag par 'gyur ba dang / bdag kyang bud med dang bsdus par mi 'gyur ba'i thabs

_{iiif viewer powered by OpenSeadragon}

30b - 31b

Texts on this page