| e-texts navigator |
| བོད་ཡིག |
319b1 nas/ bcom ldan 'das kyis bka' stsal pa/ lus mi sgyur ba dang / lag pa mi dkyog pa dang / mgo mi bsgyur ba dang / lag pa mi sbrel ba dang / phrag pa mi sprad par khyim gyi nang du 'jug pa dang / 'dug par bslab par bya'o zhe bya ba'i bar ro//
319b2 de nas bcu gnyis sde dag bram ze dang / khyim bdag dag gis khyim du ma bsgo bar stan dag la 'dug pa dang de dag smod par byed pa nas/ bcom ldan 'das kyis bka' stsal pa/ 'dug par mi bya'o// gang gi tshe bcom ldan 'das kyis 'char ka la
319b3 brten te stan la so sor brtags te 'dug par bya'o zhes bslab pa'i gzhi bca' ba mdzad pa dang / de nas yang bcu gnyis sde dag khyim gyi nang du stan la ma brtags par 'dug pa nas/ bcom ldan 'das kyis bka' stsal pa/ de ltar 'dug par mi
319b4 bya'o/ / gang gi tshe bcom ldan 'das kyis ser skya'i gzhir 'char ka la brten te lus thams cad kyi ljid kyis mnan te 'dug par mi bya'o zhes bslab pa'i gzhi bca' ba mdzad pa dang / de nas bcu gnyis sde dag khyim gyi nang du lus thams cad kyi
319b5 ljid kyis mnan te 'dug pa nas/ bcom ldan 'das kyis bka' stsal pa/ de ltar 'dug par mi bya'o// de nas bcu gnyis sde dag g.yon can dag 'di ltar 'dug go zhes khang pa'i nang du rkang pa bsnol nas 'dug ces bya ba nas/ bcom ldan 'das
319b6 kyis bka' stsal pa/ 'dug par mi bya'o zhes bya ba'i bar ro// de nas bcu gnyis sde dag nor can dang / tshong dpon dag 'di ltar 'dug go zhes khyim gyi nang du brla bsnol te 'dug ces bya ba nas/ bcom ldan 'das kyis bka' stsal pa/ khyim gyi
319b7 nang du ma bsgo bar stan la 'dug par mi bya ba dang / so sor ma brtags pa ma yin pa dang / lus thams cad kyi ljid kyis mi mnan pa dang / rkang pa mi bsnol ba dang / brla mi bsnol bar khyim gyi nang du 'dug par bslab par bya'o zhes bya ba'i bar ro//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa