rKTs

e-texts navigator

Volume

Page

316a₁ yod na'o/ / de nas sha slong ba dang zhes bya ba nas bslab pa bca' ba'i bar du mdzad de/ yang dge slong ma gang mi na bar rang gi don du khyim dag tu sha bslangs nas 'cha' 'am za na dge slong ma des dbyar khang du song nas dge slong ma rnams la
316a₂ 'phags ma smad pa'i gnas mi rigs pa so sor bshags par bya ba byung gis chos de so sor 'chags so/ / zhes so sor bshags par bya ste/ 'di ni so sor bshags par bya ba'i chos yin no// yang gang zhes bya ba ni sbom dga' mo'o// zhes bya ba nas sha zhes
316a₃ bya ba ni phyugs la sogs pa'i 'o zhes bya ba'i bar ro/ / ltung ba'i rim pa gzhan ni gong ma ji lta ba bzhin du rjes su mthun par bya'o// so sor bshags par bya ba dgu pa'o// // gleng gzhi ni mnyan yod na'o// de nas sha skam slong ba dang zhes bya ba nas bslab pa bca' ba'i
316a₄ bar du mdzad de/ yang dge slong ma gang mi na bar rang gi don du khyim dag tu sha skam bslangs nas 'cha' 'am za na dge slong ma des dbyar khang du song nas dge slong ma rnams la 'phags ma smad pa'i gnas mi rigs pa so sor bshags par bya ba byung gis chos de so sor 'chags
316a₅ so/ / zhes so sor bshags par bya ste/ 'di ni so sor bshags par bya ba'i chos yin no// yang gang zhes bya ba ni sbom dga' mo'o// zhes bya ba nas sha skam zhes bya ba ni sha skam po'o zhes bya ba'i bar ro// ltung ba'i rim pa gzhan ni gong ma ji lta ba bzhin du rjes su mthun
316a₆ par bya ba'o/ / so sor bshags par bya ba bcu pa'o// // gleng gzhi ni mnyan yod na'o// gang gi tshe sde dpon seng ges bden pa rnams mthong ba dang zhes bya ba nas/ bcom ldan 'das kyis bka' stsal nas/ dge 'dun gyis bslab pa'i sdom pa byin pa dang zhes bya ba'i
316a₇ bar ro/ / de nas bcu gnyis sde dag khyim der zhugs nas bsod snyoms blangs pa dang / de nas de dag la dge slong ma rnams kyis smras pa/ phu nu mo dag bcom ldan 'das kyis khyim der bslab pa'i sdom pa ma byin nam/ de dag gis 'di skad ces dge slong rnams la byin

_{iiif viewer powered by OpenSeadragon}

315b - 316b

Texts on this page