| e-texts navigator |
| བོད་ཡིག |
310b1 sbyong rnams kyi dge sbyong gi tshul dang / tshangs pa'i tshul ni tshig pa yin te/ gang gi phyir 'di ltar gar yang slob tu 'jug go zhes smod par byed/ phyar ka gtong bar byed/ kha zer bar byed pa'i skabs de dge slong ma rnams kyis bcom ldan 'das la gsol to// de nas bcom
310b2 ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang gar slob tu 'jug na ltung byed do// yang gang zhes bya ba ni sbom dga' mo'o// gar zhes bya ba ni lag pa dang / rkang pa sgyur ba'o// slob tu 'jug na zhes bya ba ni
310b3 ston par byed na'o/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad gar slob tu 'jug na thams cad du ltung byed du 'gyur ro// ltung byed nyi shu bdun pa'i bzhi pa rdzogs // // gleng gzhi ni mnyan yod
310b4 na'o/ / gang gi tshe bcom ldan 'das kyis gar slob tu gzhug par mi bya'o// zhes dgag pa mdzad pa dang / de'i 'og tu sbom dga' mo dga' sde'i drung du song nas gar ston par byed do zhes bya ba nas/ bslab pa bca' ba'i bar du mdzad de/ yang dge slong ma gang gar
310b5 ston na ltung byed do/ / yang gang zhes bya ba ni sbom dga' mo'o// de bzhin du gar ston na zhes bya ba ni nye bar ston na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad gar ston na thams cad du ltung byed du 'gyur
310b6 ro/ / ltung byed nyi shu bdun pa'i lnga pa rdzogs // // gleng gzhi ni mnyan yod na'o// de bzhin du gar la ltar 'gro ba'i bar du bya ste zhes bya ba nas/ bslab pa bca' ba'i bar du mdzad de/ yang dge slong ma gang gar la ltar 'gro na ltung byed do// yang gang zhes bya ba ni sbom dga'
310b7 mo'o/ / gar la ltar 'gro na zhes bya ba ni ltad mo 'dod de 'gro na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad gar la ltar 'gro na thams cad du ltung byed du 'gyur ro// ltung byed nyi shu bdun pa'i drug pa rdzogs // //
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa