| e-texts navigator |
| བོད་ཡིག |
30b1 spos dang / byug pa rnams so// nyi ma bdun gsum nyi shu rtsa gcig tu sbyin pa rnam pa mang po de lta bu dag ni byin/ bsod nams dag ni byas nas nye du rnams tshogs shing 'dus te/ 'di ltar khye'u 'di ljon shing n+ya gro d+ha la gsol ba btab ste rnyed pas de'i phyir
30b2 khye'u'i ming n+ya gro d+ha skyes zhes gdags so zhes ming btags so/ / bram ze rnams kyis ni 'di skad du/ 'di'i pha yang 'od srung dang rus gcig pas khye'u'i ming 'od srung du gdags so zhes smras so// de la kha cig gis ni 'od srung zhes bya bar shes so// kha cig
30b3 gis ni n+ya gro d+ha skyes bya bar shes so/ / de yang ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen 'grogs kyi ma ma gnyis la gtad de lcags kyi mda' thogs shing / bsrung
30b4 khug dang / rma bya'i mdongs mang po thogs nas 'o ma dang / zho dang mar sar pa dang / zhun mar dang mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed do// de yang rdzing na gnas pa'i pad ma bzhin
30b5 du skye drag par gyur to/ / de gang gi tshe chen por gyur pa de'i tshe yi ge slob tu bcug pa las de nyi ma nyung shas kyis yi ge'i pha rol du son cing / de'i tshe na bram ze'i spyod tshul dang / spyod pa dang / gtsang sbra dang / kun du spyod pa dang / thal ba blang ba dang /
30b6 bya ma bum blang ba dang / sa blang ba dang / rab bsngags bya ba dang / 'thor 'thung bya ba dang / bzlas brjod bya ba dang / yang dag par sdom pa dang / nges par bya ba dang / dus mtshams su nye bar spyad par bya ba dang / nges brjod kyi rig byed dang /
30b7 mchod sbyin gyi rig byed dang / snyan tshig gi rig byed dang / srid srung gi rig byed dang / bram ze'i las drug po mchod sbyin byed pa dang / mchod sbyin byed du 'jug pa dang / klog pa dang / klog tu 'jug pa dang / sbyin pa dang / len pa la mkhas par
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa