| e-texts navigator |
| བོད་ཡིག |
309b1 'phags ma 'di ci mdzad/ des 'di skad ces smras so// kho mo'i lus rgyan gyis mdzes sam ci blta mod/ de dag gis smras pa/ mgo reg tshul gzhan du khas blangs pa khyod la mdzes su ci yod ces bud med de dag de ltar kha zer bar byed pa'i skabs de dge slong
309b2 ma rnams kyis bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khyim pa'i rgyan thogs na ltung byed do// yang gang zhes bya ba ni sbom dga' mo'o// khyim
309b3 pa'i rgyan ces bya ba ni mgul gdub dang / gdu bu rgyan can dang / dpung rgyan la sogs pa'o// thogs na zhes bya ba ni brgyan par byed na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad khyim
309b4 pa'i rgyan thogs na thams cad du ltung byed du 'gyur ro/ / ltung byed nyi shu bdun pa'i gnyis pa rdzogs // // gleng gzhi ni mnyan yod na'o// de nas bcu gnyis sde dag mnyan yod kyi bram ze dang / khyim bdag gi chung ma rab tu mang po dang lag pa sbrel nas
309b5 'bab chu a dzi ra ba tir lus khrus byed pa na de dag gcig la gcig mdzub mo 'dzugs shing de dag dga' bar byed dga' bar byed du 'jug/ rtse bar byed/ rtser 'jug par byed cing dgod pa dang / 'phyar g.yeng dang / lus kyi rtsab hral byed pa nye bar ston par byed pa na
309b6 don nyung ba'i dge slong ma dag smod par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang lag pa sbrel nas khrus byed na ltung byed do// yang
309b7 gang zhes bya ba ni bcu gnyis sde dag go/ / lag pa sbrel nas zhes bya ba ni lag pa sbrel te'o// khrus byed na zhes bya ba la khrus ni gnyis te/ dbang bskur ba'i khrus dang / 'jug pa'i khrus las don 'di la ni 'jug pa'i khrus la bya bar dgongs so// ltung byed do zhes bya
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa