| e-texts navigator |
| བོད་ཡིག |
306b1 smras so/ / kho mos dam pa dang lhod pa shes mod kyi reg pa tsam rang gir bya'o// dge slong ma rnams kyis 'di skad ces gang gi phyir gnas skabs der yang khyod 'dod chags kyi blo skyes na/ khyod shing skam ji lta ba bzhin du 'dod chags kyis rab tu mi 'bar ba ngo mtshar
306b2 che'o zhes smras pa'i skabs de dge slong ma rnams kyis bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dpung par phol mig byung ba skyes pa yang dang yang
306b3 du 'ching zhing 'grol du 'jug na ltung byed do/ / yang gang zhes bya ba ni gtsug dga' mo'o// dpung par phol mig byung ba zhes bya ba ni rma zhig go// yang dang yang du zhes bya ba ni lan du mar ro// skyes pas 'ching zhing 'grol du 'jug na zhes bya ba ni khyim pas
306b4 so/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad rma byung ba skyes pa 'ching du 'jug gam/ 'grol du 'jug na thams cad du ltung byed du 'gyur ro// gal te rma nyid yin te bu'am/ ming
306b5 po'am pha'i dran pa bzhag ste 'ching na ltung ba med do/ / ltung byed nyi shu lnga pa'i dang po rdzogs // // gleng gzhi ni mnyan yod na'o// de nas sbom dga' mos bud med smad 'tshong ma zhig rab tu phyung ngo // de nas g.yon can dang / nal phrug dang / rgyan
306b6 po dag smad 'tshong ma de tshol ba na/ de dag gis sbom dga' mos rab tu phyung ngo zhes thos nas de dag gis blo skyes pa/ da ni legs pa zhig byas kyis bdag cag gis de'i zan dang gos sbyin mi dgos te/ de lta mod kyi dga' mgur ni spyad par bya'o snyam nas de
306b7 dag gnas der dong zhing cha ma yin pa'i tshig dag 'byin pa na/ don nyung ba'i dge slong ma dag smod par byed pa'i skabs de dge slong ma rnams kyis/ bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba'i bar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa