| e-texts navigator |
| བོད་ཡིག |
305a1 bya'am/ de lta mod kyi phu nu mo khyod tshul khrims dang ldan pa la mchid stsal ba ni bsod nams ma yin pa mang du bsags nas bran mor gyur pa'i sa bon skyed dam/ gzhan yang khyod kyis rab tu byung ba khyim gyi go re long byed pa mthong ba'am thos pa su
305a2 yod/ des 'di skad ces smras so// sbom dga' mo lags so// skye dgu'i bdag mo chen mos kyang 'di skad ces de kho nas bdag cag la yang gnas skabs 'di byung ngo zhes smras pa na/ don nyung ba'i dge slong ma dag smod par byed pa'i skabs de/ bcom ldan
305a3 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khyim gyi go re long byed na ltung byed do// yang gang zhes bya ba ni sbom dga' mo'o// khyim gyi go re long zhes bya ba ni
305a4 rang gi khyim gyi bya ba byed pa'o/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad khyim gyi go re long byed na thams cad du ltung byed du 'gyur ro// ltung byed nyi shu bzhi pa'i dang po rdzogs // // gleng
305a5 gzhi ni mnyan yod na'o/ / de nas sbom dga' mo dge slong ma rnams la lung klog tu 'jug pa na de'i phyi bzhin dge slong ma rnams stan skyed du bcug cing 'di skad ces khyer la gnas ga ge mo zhig tu thong shig ces sgo bar byed pa dang / dge slong ma rnams kyis khyed dge slong ma
305a6 rnams stan skyed du bcug cing nyams su myong bar byed pa na bsod nams ma yin pa mang du skyed do/ / zhes smod par byed pa'i skabs de dge slong ma rnams kyis bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca'
305a7 ba'i bar du mdzad de/ yang dge slong ma gang dge slong ma rnams las stan skyed pa nyams su myong bar byed na ltung byed do// yang gang zhes bya ba ni sbom dga' mo'o// dge slong ma rnams zhes bya ba ni chos 'di pa'o las zhes bya ba ni las so// stan zhes bya ba ni khri'u dag go//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa