| e-texts navigator |
| བོད་ཡིག |
304a1 'am skye dgu'i bdag mos 'di skad ces smras so/ / bzhin ci kho mo phye'i tshong khang gis bskor tam/ de nas mi des 'di skad ces smras so// 'phags ma dge slong ma dag phye 'tshong lags so// des 'di skad ces smras so// bzhin
304a2 phye 'tshong ba'i dge slong ma de gang yin/ de nas mi des 'di skad ces smras so// sbom dga' mo lags so// skye dgu'i bdag mo chen mo gau ta mIs 'di skad ces de kho nas kho mo cag la yang gnas skabs 'di byung ngo zhes smras pa dang / don nyung ba'i dge slong ma
304a3 dag smod par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang kha zas 'tshong na ltung byed do// yang gang zhes bya ba ni sbom dga' mo'o//
304a4 kha zas zhes bya ba ni phye la sogs pa'o// 'tshong na zhes bya ba ni rin len na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad kha zas 'tshong na ji srid du rin rang gir ma byas pa de srid du nyes byas so//
304a5 rang gir byas na ltung byed do// ltung byed nyi shu gsum pa'i tshigs su bcad pa'i sdom rdzogs // // sdom ni/ khyim gyi go re long mi bya// stan ni skyed du mi gzhug cing // skud pa'ang bkal bar mi bya ste// gdugs dang mchil lham mi bcang ba'o// gleng gzhi
304a6 ni mnyan yod na'o/ / de nas sbom dga' mo snga dro sham thabs bgos lhung bzed dang chos gos blangs te/ khyim bdag cig gi khyim du bsod snyoms la zhugs nas/ de nas khyim bdag gi chung ma de la 'di skad ces smras so// mtshan ma bsod snyoms
304a7 byin cig des 'di skad ces smras so/ / 'phags ma bdag glo ba mi dga' lags so// sbom dga' mos 'di skad ces smras so// ci de ring khyod kyi be'u thams cad 'o ma 'thungs sam// des 'di skad ces smras so// 'phags ma khyim gyi go re long bgyid
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa