| e-texts navigator |
| བོད་ཡིག |
303a1 par mtshams kyi phyi rol du byung na nyes byas so/ / de bzhin du yid gnyis za na nyes byas so// ltung byed nyi shu gsum pa'i gnyis pa rdzogs // // gleng gzhi ni mnyan yod na'o// de nas sbom dga' mo chags pas skyes pa 'dod nas de spos
303a2 'tshong gi khye'u zhig gi drung du song ste phyin nas 'di skad ces smras so/ / bzhin rig pa cung zad klog gam/ des 'di skad ces smras te klog go// sbom dga' mos 'di skad ces smras te/ thon cig dang bklag go// des 'di skad ces sar phu/ bi si ri phu/ si ri
303a3 bi swA hA/ zhes smras so// sbom dga' mos 'di skad yang dang yang du brjod cig ces smras pa dang / ji tsam na khros nas mgo reg mo ngan pa zhes spyos so// phyi bzhin 'brang ba'i dge sbyong mas 'di skad ces smras so// 'di ltar khyod kyis tshig gnyis kyang mi zin na ji ltar
303a4 khyod kyis sde snod gsum bzung / des 'di skad ces smras so// kho mos brjod pa dang po la bzung zin mod kyi tshig tsam rang gir byed do// phyi bzhin 'brang ba'i dge sbyong mas 'di skad ces 'phags ma khyod 'dod chags kyis rab tu ma 'bar ba ngo mtshar to zhes smras pa'i skabs
303a5 de dge slong ma rnams kyis bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khyim pa las rig pa klog na ltung byed do// yang gang zhes bya ba ni sbom dga'
303a6 mo'o/ / khyim pa las zhes bya ba ni khyim na gnas pa las so// rig pa zhes bya ba ni sel bar byed pa'o// klog na zhes bya ba ni kun chub par byed na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad khyim
303a7 pa las rig pa klog na thams cad du ltung byed du 'gyur ro/ / ltung byed nyi shu gsum pa'i gsum pa rdzogs // // gleng gzhi ni mnyan yod na'o// de nas sbom dga' mos skyes pa zhig rig pa klog tu bcug nas kye nang rje si ri phu/ bi si ri phu/ si ri bi si ri phu
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa