| e-texts navigator |
| བོད་ཡིག |
300a1 las kyis 'phungs pa'i shugs yod pas dge slong ma rnams zla ba ngo re zhing zla mtshan 'dzag par gyur nas/ bcom ldan 'das kyis bka' stsal pa/ sme gab bcang bar bya'o// gang gi tshe bcom ldan 'das kyis sme gab bcang bar bya'o// zhes
300a2 gsungs pa de'i tshe de dag bgos shing rgyu ba na lhung bar gyur nas/ / bcom ldan 'das kyis bka' stsal pa/ srad bus gdags par bya'o// yang sbom dga' mo mi thogs pas de byin pa la khrag 'dzag cing bsod snyoms la song ba bram ze dang / khyim bdag rnams kyis mthong
300a3 nas dris pa/ 'phags ma byin pa la khrag 'dzag pa'o ni ci lags/ des 'di skad ces ma la dris shig/ sring mo la dris shig/ bu mo la dris shig ces smras pa na/ de dag bdag cag gi khyim thams cad kyang btsog par 'gyur ro zhes phyar ka gtong bar byed/ kha
300a4 zer bar byed/ smod par byed pa'i skabs de dge slong ma rnams kyis bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma sme gab mi 'chang na ltung byed do// yang gang
300a5 zhes bya ba ni sbom dga' mo'o/ / sme gab ces bya ba ni bud med kyi mi bde ba dgab pa'o// mi 'chang na zhes bya ba ni rang gir mi byed na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad sme gab mi 'chang
300a6 na thams cad du ltung byed du 'gyur ro/ / ltung byed nyi shu gnyis pa'i dang po rdzogs // // gleng gzhi ni mnyan yod na'o// de nas phreng ldan mas bcom ldan 'das kyis dge slong ma rnams la sme gab rjes su gnang ngo zhes thos nas de 'di snyam du kye ma'o bdag gis
300a7 dge slong ma'i dge 'dun thams cad la sme gab dbul lo snyam du bsams so/ / de nas sbom dga' mo btsun mo phreng ldan ma gang na ba der song ste phyin nas/ btsun mo phreng ldan ma la 'di skad ces smras so// btsun mo bcom ldan 'das kyis dge slong ma rnams la
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa