| e-texts navigator |
| བོད་ཡིག |
296a1 slong mas ji tsam cung zad khyim la ser sna byed na thams cad du ltung byed du 'gyur ro/ / ltung byed nyi shu pa'i lnga pa rdzogs // // gleng gzhi ni mnyan yod na'o// de nas sbom dga' mos dge slong ma rnams la gdams ngag 'bogs pa na phu nu mo dag bram
296a2 ze ya mtshan du 'dzin pa rnams kyis khu tshur dang / thal lcag gis brgyab nas klad pa gas par gyur na mi rung gis ha cang sngar bsod snyoms la ma 'dong shig ces des gzhan dag bzlog nas rang nyid nang par ches snga ba zhig tu sham thabs bgos/ lhung bzed dang chos gos
296a3 blangs te spyod yul du zhugs pa dang bram ze ya mtshan du 'dzin pa zhig gis mthong nas/ des de bzung ste khu tshur dang thal lcag gis te por brdegs pas de'i mig phubs snad cing dbyar khang du song ba dang de la dge slong ma rnams kyis smras pa/ 'phags ma khyod sus
296a4 brdegs/ des skabs de rgyas par smras pa dang / de la dge slong ma rnams kyis smras pa/ 'phags ma khyod rnyed pa'i ser snas gnod par ma gyur grang / des 'di skad ces gyur to zhes smras pa'i skabs de dge slong ma rnams kyis bcom ldan 'das la gsol
296a5 to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang rnyed pa la ser sna byed na ltung byed do// yang dge slong ma gang zhes bya ba ni sbom dga' mo'o// rnyed pa la ser sna byed na zhes bya ba la rnyed
296a6 pa ni gnyis te/ zas kyi rnyed pa dang / gos kyi rnyed pa yin te/ don 'di la ni zas kyi rnyed pa yin par dgongs so// ser sna bskyed na zhes bya ba ni phrag dog skyed na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji
296a7 tsam cung zad rnyed pa la ser sna byed na thams cad du ltung byed du 'gyur ro/ / de nas sngon gyi sbyor ba ni dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sbom dga' mo gzhan dag la rjes su ston cing rang mi
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa