| e-texts navigator |
| བོད་ཡིག |
295b1 snas gnod par ma gyur grang / des 'di skad ces kho mo shAkya'i rigs las rab tu byung ba sde snod gsum pa yin na bsngags par mi 'os pa de dag gi bsngags pa brjod kyis kho mo'i mi brjod na ci'i phyir kho mo la gnod par mi 'gyur zhes smras pa na/ don nyung ba'i dge slong ma
295b2 dag smod par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang bsngags pa la ser sna byed na ltung byed do// yang gang zhes bya ba ni
295b3 sbom dga' mo'o/ / bsngags pa zhes bya ba ni lung dang rtogs pa dag brjod pa na ser sna dang phrag dog byed pa'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad yang dag pa'i bsngags pa ji lta ba bzhin
295b4 smras pa na bsngags pa la ser sna byed na thams cad du ltung byed du 'gyur ro/ / ltung byed nyi shu pa'i bzhi pa rdzogs // // gleng gzhi ni mnyan yod na'o// de nas sbom dga' mos dge slong ma rnams la 'di skad ces smras so// kye phu nu mo dag khyim ga ge mor ni
295b5 ma deng shig/ de dag gis 'di skad ces smras so// ci'i phyir des 'di skad ces smras so// kho mos khyim de ngal ba chen pos chos bshad nas dad par byas pa yin no// de la dge slong ma rnams kyis smras pa/ 'phags ma khyod khyim gyi ser snas gnod par ma gyur grang /
295b6 des 'di skad ces gyur to zhes smras pa na don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khyim la ser sna
295b7 byed na ltung byed do/ / yang gang zhes bya ba ni sbom dga' mo'o// khyim la zhes bya ba ni bram ze dang khyim bdag gi khyim la'o// ser sna byed na zhes bya ba ni phrag dog skyed na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa