| e-texts navigator |
| བོད་ཡིག |
294a1 ma bzhin no/ / de la ltung bar ji ltar 'gyur zhe na/ dge slong mas ji tsam cung zad dge slong med pa'i gnas su dbyar gnas par khas len na thams cad du ltung byed du 'gyur ro// ltung byed bcu dgu pa'i lnga pa rdzogs // // gleng gzhi ni mnyan yod na'o//
294a2 gang gi tshe bcom ldan 'das kyis dbyar gnas pa'i dge slong ma rnams kyis gnyi ga'i dge 'dun la dgag dbye bya'o zhes gsungs pa dang / de nas dge slong ma de rnams kyis sbom dga' mo la 'di skad ces smras so// 'phags ma gnyi ga'i dge 'dun la dgag dbye byas tshur spyon/ des
294a3 'di skad ces smras so/ / kho mo der mi 'gro'o// ci'i phyir/ re zhig kho mo ni sde snod gsum pa yin pas kho mos dgag dbye ji ltar bya ba shes te/ dge slong gi dge 'dun la lcag pod dang / shur bu dang / shur bu phre'u phal mo che dbul dgos pas khyed cag deng shig/ kho
294a4 mo ni der mi 'gro'o zhes zer ba'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang dbyar gnas nas gnyi ga'i dge 'dun la dgag dbye mi byed na ltung byed
294a5 do/ / yang gang zhes bya ba ni sbom dga' mo'o// dbyar gnas nas zhes bya ba ni zla ba gsum gyi mthar phyin nas so// gnyi ga'i dge 'dun la zhes bya ba ni dge slong dang dge slong ma'i dge 'dun la'o// dgag dbye mi byed na zhes bya ba ni mthong ba dang / thos pa dang dogs
294a6 pas so/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad dbyar gnas nas gnyi ga'i dge 'dun la dgag dbye mi byed na thams cad du ltung byed du 'gyur ro// ltung byed bcu dgu pa'i tshigs su bcad pa'i sdom rdzogs // //
294a7 sdom la/ tshogs la spyo bar mi bya dang // mi snyan pa dang ser sna lnga// spangs nas bza' bar mi bya dang // btsas pa blang bar mi bya'o// gleng gzhi ni mnyan yod na'o// de nas sbom dga' mos tshogs la spyos pa dang / de la lhan cig gnas pa dang / nye gnas
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa