| e-texts navigator |
| བོད་ཡིག |
293a1 sor thar pa nyams su myong bar byed na thams cad du ltung byed du 'gyur ro/ / ltung byed bcu dgu pa'i gnyis pa rdzogs // // gleng gzhi ni mnyan yod na'o// gang gi tshe bcom ldan 'das kyis lnga'i 'dun pa len pa'i dge slong mas dge slong ma rnams kyi
293a2 drung du 'gro bar bya zhing dge slong rnams las tshes shing gdams ngag dang rjes su bstan pa nyams su myang bar bya'o zhes gsungs pa dang / 'on kyang bcu gnyis sde de dag gdams ngag dang rjes su bstan pa nyams su myong bar mi byed pa'i skabs de dge slong ma rnams kyis bcom ldan 'das
293a3 la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang zla ba phyed phyed cing gdams ngag dang rjes su bstan pa nyams su myong bar mi byed na ltung byed do// yang gang zhes bya ba ni bcu gnyis sde dag gi
293a4 bar ro/ / zla ba phyed phyed cing zhes bya ba ni zla ba phyed cing ngo // gdams ngag dang rjes su bstan pa nyams su myong bar mi byed na zhes bya ba ni dge slong ma rnams dang lhan cig rjes su sgrub par mi byed na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong
293a5 mas ji tsam cung zad zla ba phyed phyed cing gdams ngag dang rjes su bstan pa nyams su myong bar mi byed na thams cad du ltung byed du 'gyur ro/ / ltung byed bcu dgu pa'i gsum pa rdzogs // // gleng gzhi ni mnyan yod na'o// de nas dge slong ma rnams ljongs rgyu zhing dong ba na dge slong
293a6 ma zhig gi dbyar khang du phyin nas der de dag gis dge slong med pa'i gnas su gso sbyong byas te/ de dag rim gyis rgyu zhing mnyan yod du phyin nas de dag gang gi tshe dbyar khang du 'ongs pa de'i tshe dge slong ma rnams kyis smras pa sangs rgyas ldan/ chos ldan dge 'dun ldan 'ongs pa legs
293a7 so/ / khyed cag gis gang du gso sbyong byas/ de dag gis 'di skad ces smras so// gnas ga ge mo zhig tu'o// de nas dge slong ma de rnams kyis dge slong ma de dag la 'di skad ces khyed cag gis ci'i phyir dge slong med pa'i gnas su gso sbyong byas zhes smras pa'i skabs de bcom ldan
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa