| e-texts navigator |
| བོད་ཡིག |
291a1 do/ / yang gang zhes bya ba ni sbom dga' mo'o// shes bzhin du zhes bya ba ni rang gis sam/ gzhan gyis smras par gyur pa'o// bslabs nas zhes bya ba ni dge slob mar 'gyur ba'i bslabs pa la'o// bsnyen par rdzogs par mi byed na zhes bya ba ni gsol
291a2 pa dang bzhi'i las kyis so/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad shes bzhin du lo gnyis kyi bar du bslabs te/ de las lhag par 'jog cing bsnyen par rdzogs par mi byed na thams cad du ltung
291a3 byed du 'gyur ro/ / ltung byed brgyad pa'i dang po rdzogs // // gleng gzhi ni mnyan yod na'o// de nas sbom dga' mo snga dro sham thabs bgos te khyim bdag cig gi khyim du zhugs pa las/ de na bud med cig khyim thab dang lhan cig rtsod cing 'dug pa dang /
291a4 des 'di skad ces smras so// ci zhig yid mi bde zhing 'dug/ des skabs de rgyas par smras pa dang / de nas sbom dga' mos bud med de la 'di skad ces smras so// khyod ci'i phyir rab tu mi 'byung / des 'di skad ces smras so// bdag su zhig gis rab tu 'byin
291a5 par 'gyur/ des 'di skad ces kho mos bya'o zhes smras pa nas ji tsam na des rab tu phyung ngo // de'i 'og tu khyim thab 'ongs nas des khyim tshes la dris pa/ kho bo'i chung ma gang du song / des 'di skad ces smras so// sbom dga' mos rab tu phyung ngo // de nas khyim
291a6 bdag de sbom dga' mo gang na ba der song ste phyin nas sbom dga' mo la 'di skad ces smras so/ / 'phags ma bdag gi mchis 'brang 'di sus rab tu phyung / sbom dga' mos 'di skad ces smras te/ kho mos so// de nas khyim bdag des 'di skad ces 'phags ma khyod
291a7 khyim thab kyis ma gnang ba rab tu 'byin par mdzad pa rigs sam zhes smras nas zhes bya ba dag khyim bdag des kha byas te song ba dang / don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa