| e-texts navigator |
| བོད་ཡིག |
290a1 rab tu 'byin na thams cad du ltung byed du 'gyur ro/ / ltung byed bcu bdun pa'i bzhi pa rdzogs // // gleng gzhi ni mnyan yod na'o// gang gi tshe dge slong ma rnams kyis de dag de bzhin du rab tu phyung bar gyur pa de'i tshe/ de dag bdag cag gis lhan
290a2 cig gnas pa dang / nye gnas dag ji tsam na ji ltar bsnyen par rdzogs par bya ba ma shes nas/ bcom ldan 'das kyis bka' stsal pa/ khyim so bzung ba lo bcu lon pa dang / gzhon nu ma lo brgyad lon pa la lo gnyis su chos drug dang / rjes su mthun pa'i chos
290a3 drug gi bslab pa'i sdom pa byin cig/ de dag gis chos drug po gang dag yin pa dang / rjes su mthun pa'i chos drug po gang dag yin pa ma shes nas bcom ldan 'das kyis bka' stsal pa/ gcig pu lam du 'gro mi bya// chu bo'i pha rol brgal mi bya// skyes pa la ni reg mi
290a4 bya/ / skyes pa dang ni 'dug mi bya// smyan du 'gyur ba mi bya zhing // kha na ma tho bcab mi bya// 'di dag ni chos drug ces bya'o// rjes su mthun pa'i chos drug gang zhe na/ gser la gzung bar mi bya ste// spu yi las ni mi bya'o// sa yang brko bar mi bya ste// rtswa sngon dag
290a5 kyang gcad mi bya/ / byin len ma byas mi bza' ste// bzhag pa bza' bar mi bya'o// chos drug po 'di dag ni rjes su mthun pa'i chos drug ces bya ste/ lo gnyis su bslabs nas tshangs par spyad pa nye bar gnas pa'i sdom pa byin te/ de'i 'og tu bsnyen par rdzogs par
290a6 bya'o/ / de nas sbom dga' mos lo gnyis su chos drug dang / rjes su mthun pa'i chos drug ma gsol bar bsnyen par rdzogs par byed nas don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba
290a7 'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du lo gnyis su chos drug dang / rjes su mthun pa'i chos drug la ma bslabs par bsnyen par rdzogs par byed na ltung byed do// yang gang zhes bya ba ni sbom dga' mo'o//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa