| e-texts navigator |
| བོད་ཡིག |
289a1 dga' mos bud med de la 'di skad ces smras so/ / phu nu mo khyod ci'i phyir rab tu mi 'byung / des 'di skad ces smras so// bdag ni shin du gtum mo lags na su zhig gis bdag rab tu 'byin par 'gyur/ de nas sbom dga' mos 'di skad ces smras so//
289a2 kho mos khyod rab tu dbyung ngo zhes des de rab tu phyung bsnyen par rdzogs par byas so// de nas sbom dga' mo dus gzhan zhig na dge slong ma rnams dang lhan cig 'thab mo byung ba na de'i grogs mo de yang sems las bstungs te cang mi smra'o// de nas sbom dga' mos
289a3 dge slong ma de la 'di skad ces smras so/ / kho mos khyod don 'di'i phyir rab tu phyung bsnyen par rdzogs par byas na/ da ltar khyod bsam gtan bzhi pa la snyoms par zhugs pa bzhin du 'dug gam/ khyod kho mo 'thab mo byung ba'i grogs gyis shig/ des 'di skad ces
289a4 smras so/ / bdag gis khyim pa mo de dag gi kha na ma tho ba ni shes kyi/ bdag gis dge slong ma 'di dag gi kha na ma tho ba ni mi shes so// sbom dga' mos 'di skad ces smras so// kho mos khyod la de dag gi mtshang bstan gyis re zhig skye dgu'i bdag mo chen mo 'di ni rang zhugs
289a5 yin no/ / ut+pa la'i mdog 'di ni grong khyer chen po drug dag tu smad 'tshong byas pa yin no// gau ta mI skem mo 'di ni bu'i sha zos pa dang / dur du bcug pa sems 'khrugs pa yin no// de nas dus gzhan zhig na dge slong ma rnams dang 'thab mo byung ba na dge slong ma
289a6 shin tu gtum mo des dge slong ma rnams la kha na ma tho ba rab tu bsgrags pas spyo bar brtsams so/ / de nas skye dgu'i bdag mo chen mos dge slong ma shin tu gtum mo de mthong nas 'di skad ces smras so// shin tu gtum mo 'di sus rab tu phyung de dag gis 'di skad ces
289a7 sbom dga' mo lags so zhes smras pa'i skabs de dge slong ma rnams kyis bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du bud med gtum mo
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa