| e-texts navigator |
| བོད་ཡིག |
287b1 bsam pa ni ci mchis/ tha dad du bgyi ba ni ci mchis zhes smra ba'i skabs de bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ gzhon nu ma lo nyi shu lon na lo gnyis su chos drug dang / rjes su mthun pa'i chos drug gi
287b2 bslab pa'i sdom pa byin cig/ gang gi tshe bcom ldan 'das kyis gzhon nu ma lo nyi shu lon na lo gnyis su chos drug dang / rjes su mthun pa'i chos drug gi bslab pa'i sdom pa byin cig ces gsungs pa skye dgu'i bdag mo chen mo gau ta mIs thos nas bcom ldan 'das gang na ba der
287b3 song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go phyogs gcig tu 'dug pa dang / bcom ldan 'das kyis skye dgu'i bdag mo chen mo gau ta mI la chos dang ldan pa'i gtam gyis yang dag par ston par mdzad ces bya ba
287b4 nas/ cang mi gsung ngo zhes bya ba'i bar ro// de nas skye dgu'i bdag mo chen mo gau ta mIs bcom ldan 'das kyis bka' stsal pa'i rjes chad par rig nas stan las langs te/ bla gos phrag pa gcig tu bgos nas bcom ldan 'das ga la ba de logs su thal mo sbyar ba btud de
287b5 bcom ldan 'das la 'di skad ces gsol to/ / bcom ldan 'das bdag la dam pa gnang ba'i rigs so// bde bar gshegs pa bdag la dam pa gnang ba'i rigs so// gau ta mI khyod dam pa ci gsol/ des 'di skad ces gsol to// btsun pa khyim so bzung ba lo bcu gnyis
287b6 lon pa 'di dag dang / gzhon nu ma lo nyi shu lon pa 'di dag gis rab tu byung ba ni legs par rnyed lags na/ lo gnyis su chos drug dang / rjes su mthun pa'i chos drug gi bslab pa'i sdom pa stsal lags na ha cang thogs par gyur na/ gal te bcom ldan 'das kyis rjes su gnang
287b7 na khyim so bzung ba lo bcu lon pa dang / gzhon nu ma lo brgyad lon pa na de dag la chos drug dang / rjes su mthun pa'i chos drug gi bslab pa'i sdom pa stsal bar gsol/ de ltar mdzad na 'di gnyi gas kyang tshang bar 'gyur lags so// bcom ldan 'das kyis bka'
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa