| e-texts navigator |
| བོད་ཡིག |
284b1 par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang khyim so bzung ba lo bcu gnyis lon pa ma gsol bar tshangs par spyad pa nye bar gnas
284b2 pa'i sdom pa dang / bsnyen par rdzogs par byed na ltung byed do// yang gang zhes bya ba ni sbom dga' mo'o// khyim so bzung ba lo bcu gnyis lon pa zhes bya ba ni lo bcu gnyis su khyim na gnas par gyur pa gang yin pa'o// tshangs par spyad pa nye bar gnas pa'i
284b3 sdom pa zhes bya ba ni gsol ba dang / gnyis kyi las kyis so// ma gsol bar zhes bya ba ni ma bslangs par ro// bsnyen par rdzogs par byed na zhes bya ba ni gsol ba dang bzhi'i las kyis so// ltung byed do zhes bya ba ni gong ma bzhin no// de la ltung bar ji ltar 'gyur
284b4 zhe na/ dge slong mas ji tsam cung zad khyim so bzung ba lo bcu gnyis lon pa ma gsol bar tshangs par spyod pa nye bar gnas pa'i sdom pa dang / bsnyen par rdzogs par byed na thams cad du ltung byed du 'gyur ro// ltung byed lnga pa'i tshigs su bcad pa'i sdom
284b5 rdzogs / / // sdom la/ 'dod chen sdom pa byin pa dang // sbrum pa dang ni bslab pa dang // bzhag nas phan mi 'dogs pa dang // bkar bar bya ba tha ma yin// gleng gzhi ni mnyan yod na'o// de'i tshe sbom dga' mos 'dod chen gyi 'khor bzhag
284b6 nas mi 'dzin/ mi ston gdams ngag mi ster bas de dag ma dul ba dang / ma zhi ba dang / ma sbas pa dang / ma bsrungs par gyur pa dang / don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan
284b7 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang 'dod chen gyi 'khor bzhag nas rjes su skyong bar mi byed na ltung byed do// yang gang zhes bya ba ni sbom dga' mo'o// 'dod chen zhes bya ba ni chog mi shes
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa