rKTs

e-texts navigator

Volume

Page

27b₁ d+has bu rnyed par 'gyur bar spro ba bskyed du gsol/ de 'di snyam du sngon gyi las kyi rgyu'i stobs bskyed pas bu dang bu mo dag yod pa yin gyi/ 'di la bdag la ni dbang med do snyam du bsams nas des de la smras pa/ bdag gis ni bu'am bu mo sbyin par mi nus so//
27b₂ 'on kyang tshur shog/ rgyal po chen po 'phags skyes po'i drung du 'dong ngo // de gnyis 'phags skyes po'i drung du dong ste phyin nas don de nyid de la smras so// de bzhin du rgyal po chen po mig mi bzang dang / rnam thos kyi bu'i drung du song ste phyin nas smras na/ de dag gis
27b₃ kyang rang gi las kyis bu dang bu mo dag 'byung gi/ 'di la bdag cag la ni dbang med do zhes smras so// de nas rgyal po chen po de bzhi lha'i dbang po brgya byin gyi drung du dong ste smras pa/ kau shi ka bdag cag gi 'khor du gtogs pa zhig rang gi gnas nas bskrad par
27b₄ 'gyur gyis grong khyer shing n+ya gro d+ha can der/ bram ze shing sA la chen po lta bu n+ya gro d+has bu rnyed par 'gyur bar spro ba bskyed du gsol/ brgya byin gyis smras pa/ nye dbang dag rang gi las kyis bu dang bu mo dag 'byung gi/ bdag gis ni su la yang bu'am bu mo sbyin
27b₅ par mi nus so/ / de nas lha'i 'khor der snang ba rgya chen po zhig byung ba dang / de mthong nas lha'i dbang po brgya byin gyis rgyal po chen po bzhi la nye dbang dag khyed 'di nas ma 'dong shig/ ji ltar snang ba rgya chen po las gor ma chag par 'khor 'dir tshangs
27b₆ pa chen po 'byung bar 'gyur ro zhes bsgo ba dang de dag 'khod do/ / 'khor der yang tshangs pa chen po dar la bab pa/ gzhon pa/ gzhon nu ma gtsug phud lnga pa byung nas de lha'i dbang po brgya byin gyi pang du 'dug go// des bsgrub pa gang yin pa de yang bsgrubs so//
27b₇ de nas lha'i dbang po brgya byin gyis tshangs pa chen po de la thal mo sbyar te gsol ba btab pa/ tshangs pa chen po khyod tshangs pa dang / tshangs pa chen po dang / dbang phyug dang / byed pa po dang / 'byin pa po dang / sprul pa po dang / gtso bo dang / khyad par du

_{iiif viewer powered by OpenSeadragon}

27a - 28a

Texts on this page