| e-texts navigator |
| བོད་ཡིག |
276a1 ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang chos 'chad pa na khyim pa la stan ma gtad par bor te 'gro na ltung byed do// yang gang zhes bya ba ni
276a2 sbom dga' mo'o/ / stan ma gtad par zhes bya ba ni bdag po la ma gtad par ro// 'gro na zhes bya ba ni song na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad stan bdag po la ma gtad par 'gro na thams cad
276a3 du ltung byed du 'gyur ro/ / ltung byed bcu gnyis pa'i gsum pa rdzogs // // gleng gzhi ni mnyan yod na'o// de nas yul dbus pa'i yul chos kyis bram ze dang / khyim bdag rnams kyi khyim na stan bshams pa dag mi rtul ba yin pas bram ze zhig gis stan
276a4 bshams nas der srung ma zhig bzhag go/ / sbom dga' mo yang khyim der bsod snyoms kyi phyir zhugs te des 'di skad ces smras so// mtshan ma bsod snyoms byin cig/ de nas bud med des 'di skad ces smras so// 'phags ma stan srung lags so//
276a5 kho mos srung gis khyod song la bsod snyoms khyer te shog shig/ bud med de yang bsod snyoms kyi phyir nang du zhugs pa dang / sbom dga' mos kyang bram ze'i stan la 'dug go// bram ze de 'ongs nas sbom dga' mo stan de'i steng na 'dug pa mthong nas smod par byed do zhes
276a6 bya ba'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang ma gnang bar khyim gyi nang du stan la 'dug na ltung byed do// yang gang zhes bya ba ni sbom dga'
276a7 mo'o/ / ma gnang bar zhes bya ba ni khyim gyi bdag po la ma brtags par ro// khyim gyi nang du khyim pa'i stan la 'dug na zhes bya ba ni bsdad na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad ma gnang bar khyim
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa