rKTs

e-texts navigator

Volume

Page

273a₁ bar ji ltar 'gyur zhe na/ dge slong ma ji tsam cung zad gcig pu gnyis su med par gnas khang du nyal bar byed na thams cad du ltung byed du 'gyur ro// ltung byed bcu pa'i tshigs su bcad pa'i sdom rdzogs // // sdom la/ rna bar gshub pa gnyis
273a₂ dang ni/ / bdag nyid la ni mtho 'tshams dang // tshangs par spyod la mna' min dang // nyes par mthong ba mi gleng ba'o// gleng gzhi ni mnyan yod na'o// de nas sbom dga' mos skyes pa zhig gi rna bar gshubs pa dang / bram ze dang / khyim bdag dag na re gang gi
273a₃ phyir rab tu byung ba yang khyim na gnas pa'i rna bar gshub la/ khyim na gnas pa yang gshub par byed na 'di gnyis la khyad par ni ci zhig yod/ bsam pa ni ci yod/ tha dad du bya ba ni ci yod ces 'phya bar byed pa na/ don nyung ba'i dge slong ma dag smod par byed pa'i skabs de
273a₄ bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang skyes pa'i rna bar gshub par byed na ltung byed do// yang gang zhes bya ba ni sbom dga' mo'o// rna bar gshub
273a₅ par byed na zhes bya ba ni rna bar gtam smra bar byed na'o/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad skyes pa'i rna bar gshub par byed na thams cad du ltung byed du 'gyur ro// ltung byed bcu gcig pa'i dang po
273a₆ rdzogs / / // gleng gzhi ni mnyan yod na'o// de bzhin du sbed ma 'char ka'i rna bar gshub par byed pa nas/ don nyung ba'i dge slong ma rnams 'phya bar byed pa'i bar gyi skabs de bcom ldan 'das la gsol to// de nas bcom ldan 'das kyis byung ba 'di dang zhes bya ba nas bslab
273a₇ pa bca' ba'i bar du mdzad de/ yang dge slong ma gang dge slong dang lhan cig rna bar gshub par byed na ltung byed do// yang gang zhes bya ba ni sbed ma'o// dge slong zhes bya ba ni 'char ka'o// lhan cig rna bar gshub par byed na zhes bya ba ni rna bar gtam smra bar byed na'o//

_{iiif viewer powered by OpenSeadragon}

272b - 273b

Texts on this page