rKTs

e-texts navigator

Volume

Page

271a₁ gleng gzhi ni mnyan yod na'o// sbom dga' mos mang du zos shing mang du 'thungs pas de mtshan mo gci bas thebs nas des shol zangs bzhag ste gcis so// de nas yang glang po'i sna chen po la gtogs pa dpal skyed ces bya ba/ rgyal po gsal rgyal gyis chad pas bcad
271a₂ pa zhig yod pa de nang par gyi dus su dbyar khang dang nye ba zhig nas rgyal po'i pho brang du song ba las sbom dga' mo des shol zangs gcin gyis bkang ba ma brtags par gtor bas mgo la phog par gyur to zhes bya ba nas de ring bdag la bkra shis par 'gyur ram/ 'on te bkra mi shis
271a₃ par 'gyur snyam pa las ji tsam na 'dzin gyis rgyal po dpal skyed la bzod pa byed du bcug nas/ 'di ltar rgyal pos glang po che pad ma dkar po zhes bya ba cig dang / de'i dbang thang nyid kyang slar byin no// de nas dpal skyed kyis ras yug po che zhig khyer te dge slong ma'i
271a₄ dbyar khang du phyin pa ji tsam na sbom dga' mos thos nas skrag par gyur pa dang zhes bya ba nas dpal skyed kyis 'di skad ces smras so/ / gang gis nang par gyi dus su kho bo la gcin gtor ba'i de'i gcin ni bkra shis pa dga' bar byed pa yin pas/ de la kho bo de ring bskon pa ras yug po
271a₅ che 'bul na dge slong ma de gang lags/ de nas sbom dga' mos 'di skad ces/ kho mo yin no zhes smras pa dang / des de la ras yug po che cig bskon no// ji tsam na sbom dga' mo dge slong ma rnams dang lhan cig 'thab mo byung ba de'i tshe de na re ngan skyugs kyang khyed dang mi mtshungs
271a₆ so zhes smras pa nas/ bcom ldan 'das kyis bka' stsal pa/ ma brtags par dor bar mi bya'o// 'dor na de ltung byed do// de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang ma brtags par
271a₇ bshang ba dang / gci ba 'dor na ltung byed do// yang gang zhes bya ba ni sbom dga' mo'o// ma brtags par zhes bya ba ni brtags par ma byas par ro// bshang ba'am/ gci ba 'dor na zhes bya ba ni 'dor bar byed na'o// ltung byed do zhes bya ba ni gong ma bzhin no// de la

_{iiif viewer powered by OpenSeadragon}

270b - 271b

Texts on this page