rKTs

e-texts navigator

Volume

Page

26a₁ ldan gyi gnas na bzhugs pa na/ grong khyer shing n+ya gro d+ha can na bram ze shing sA la chen po lta bu/ n+ya gro d+ha zhes bya ba phyug pa/ nor mang ba/ longs spyod che ba/ yongs su gzung ba/ yangs shing rgya che ba/ rnam thos kyi bu'i nor dang ldan pa/ rnam
26a₂ thos kyi bu'i nor dang 'gran pa zhig gnas so/ / de la bran grong bcu drug dang / las kyi mtha' ba'i grong sum bcu dang / skyed sgyur ba'i grong drug bcu dang / rmon pa dor dgu brgya dgu bcu rtsa dgu dang / gser bye ba drug bcu dang / gang dag gis rgyal po pad ma chen po
26a₃ thub pa'i gser gyi nas sbyang brgyad bcu yod do/ / des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do// de la bu yang med bu mo yang med nas/ bu'i phyir lha brgya stong du ma la gsol ba
26a₄ 'debs te/ 'di lta ste/ tshangs pa dang / dbang po dang / nye dbang dang / gshin rje dang / nyi ma dang / khyab 'jug dang / dbang bdag dang / sa ga dang / las thams cad pa dang / tha skar dang / sa'i lha dang / klu dang / chu lha dang / me lha dang /
26a₅ rlung lha dang / yul 'khor skyong dang / 'phags skyes po dang / mig mi bzang dang / rnam thos kyi bu dang / nor bu bzang po dang / gang po dang / gang ba bzang po dang / lngas rtsen dang / lnga len la sogs pa gnod sbyin gyi sde dpon nyi shu rtsa brgyad dang /
26a₆ 'phrog ma bu lnga brgya'i 'khor can dang / kun dga' ra ba'i lha dang / nags tshal gyi lha dang / bzhi mdo'i lha dang / sum mdo'i lha dang / gtor ma len pa'i lha dang / lus kyi lha dang / lhan cig skyes pa dang / chos mthun pa pa dang / rtag tu 'brang ba'i lha de
26a₇ dag dang / gzhan yang lha brgya stong dag la gsol ba 'debs par byed do// 'jig rten na yang lha la gsol ba btab pa'i rgyu las bu dang bu mo dag skye'o zhes bya ba 'jig rten pa'i gtam de lta bu yod mod kyi de ni de lta ma yin te/ gal te de ltar gyur du zin na/ dper

_{iiif viewer powered by OpenSeadragon}

25b - 26b

Texts on this page